髮型屋明日重開︳陸浩明找數畀女友剪頭髮 網民羨慕：Ayan真係娶得過

現年42歲嘅陸浩明同細佢14年嘅女友陳詩欣（Ayan）係圈中公認合襯嘅一對，二人拍拖近十年甜蜜程度一直有增無減。除咗不時着情侶裝放閃之外，佢哋仲好有儀式感，逢親大時大節都會用心準備同對方慶祝，非常難得。日前Ayan幫男友剪頭髮，sweet到又再次引嚟大家催婚。

同場加映： 《Mr. Stranger》｜Anson Lo曾壓力爆煲憂達不到外界期望 喜見MIRROR12子各有發展路向

{{hket:ul-video id="5381"}}{{/hket:ul-video}}

陸浩明上載一條女友幫佢剪髮嘅片段去社交平台，佢一開始就話：「好緊張呀，事關要找數呀……可唔可以唔好呀其實。」事緣係陸浩明上個星期開live，佢表示如果有100個留言叫Ayan幫佢剪頭髮，佢就會「找數」。雖然髮型屋聽日就重開，但應承咗大家，佢都決定守承諾。

{{hket:inline-image name="1.png"}}{{/hket:inline-image}}

片中見陸浩明都好緊張女友會剪衰，但都放手信任女友；而Ayan就好細心咁逐少幫佢剪，二人感覺相敬如賓，一啲都冇拍拖十年嘅「倦怠感」。最後Ayan都好成功，同畀錢喺出面剪幾乎一樣呀。網民都大嗌羨慕，又催二人快啲拉埋天窗：「佢對你好好，好細心。畀我，直接拎個剷嚟剷啦。」、「Ayan真係十項全能，娶得過呀！」另外又大讚陸浩明係公眾人物都唔怕畀女友剪壞個髮型，留言：「畀我女友剪我個頭係可能會嗌交。」、「個頭X咗好大件事。」

Ayan被網民喻為張曼玉與新垣結衣的結合體，充滿氣質。Ayan曾分享，陸浩明非常緊張與關心自己，佢亦喜歡自己備受重視的感覺，佢又指男朋友脾氣好，對佢十分遷就。而陸浩明則表示每天最開心嘅事就係見到女朋友笑，煩惱會一掃而空。二人性格夾到天下無雙，如果佢哋都唔可以修成正果，咁呢個世界真係冇童話喇！

圖片來源：Instagram