陳敏之催婚胡定欣被指曲線曬命 言論哽耳：啲上咗岸嘅所謂姊妹……

現年40歲嘅胡定欣係TVB兩屆視后，事業成功嘅佢一向予人女強人之感，雖然外形出眾感情一直未有着落。胡定欣單身6年，其感情生活不時都成為話題，身邊嘅朋友經常催婚，可謂皇帝唔急太監急。日前定胡欣作客陳敏之YouTube Channel節目《Chi Chat》又再大談感情觀，不過今次大家嘅焦點就落咗喺陳敏之嘅「催婚論」。

同場加映︰《Mr. Stranger》｜Anson Lo曾壓力爆煲 憂達不到外界期望 喜見MIRROR 12子各有發展路向

{{hket:ul-video id="5381"}}{{/hket:ul-video}}

陳敏之感覺身旁呢位好姊妹，唔易相信人，先問：「你受咗咩傷害呀？係咪畀人呃過呀？」胡定欣沉默咗半秒，回應：「冇呢啲乜嘢呃唔呃嘅，感情係雙方面，都40歲人啦，你總有感情上嘅經歷。」之後陳敏之就不斷催婚，「你唔好再同我玩一、兩年又話換畫，真係唔得㗎喇！而家我畀個target你，只畀你拍半年拖到你就好結婚喇，跟住你就試下即刻懷孕！」胡定欣慨嘆搵「Mr. Right」唔容易，「首先講付託終身啦……嗰個人其實係咪同你同步？想組織家庭或者係同一個方向？即係你喜歡一個人，跟住同佢點走嗰條路，係兩樣嘢嚟。」

{{hket:inline-image name="6.png"}}{{/hket:inline-image}}

陳敏之呢番言論就激嬲咗唔少網民，認為無可能實現之餘，仲似係喺胡定欣傷口灑鹽，紛紛留言喪插︰「啲上咗岸嘅所謂姊妹真係好X街」、「自己做到要人哋都做到」、「公開咁樣講，好冇面」、「講個冇乜可能嘅建議出嚟，仲好似為人好咁」、「好黐線，講到冇結婚生仔就係輸就係失敗咁，人哋冇嘢都畀人講到唔開心啦」、「求其搵個人為結婚」、「曲線曬命」、「講到結婚生仔好似打機有任務喺身咁」……大家都對陳敏之所言非常反感，認為佢唔似真朋友，似係啲花生友同拜年時見到嘅催婚親戚，完全係口不擇言。

胡定欣感情路一直都唔順遂，每段戀情都好短暫，最長嘅一次僅維持咗兩年半。2016年定佢同陳展鵬合作劇集《城寨英雄》而傳出緋聞，人前人後都Sweet到爆，同年雙雙奪得視帝視后獎項，更不避嫌在鏡頭前吻賀對方。陳展鵬後來被傳媒影到與單文柔山頂密會，他即時與胡定欣撇清關係，有傳女方因感到被利用而非常失望。

撰文：黃蘊姿