廖偉雄喉嚨痛擔心患新冠肺炎 憶30年前抵抗力差成日要睇醫生

64歲的廖偉雄（燦哥）近年定居於廣東羅定市，專注種植「亞燦米」；亦擁有「亞燦雞」的養雞場，曾榮獲「亞州國際創新發明大賽」金奬。現在沒拍劇的燦哥，專心打理生意之餘更「復出」開設YouTube頻道，近日他就在新片中自爆擔心自己患新冠肺炎，更表示：「係遲中早中嘅問題啫」。

{{hket:inline-image name="9.png"}}{{/hket:inline-image}}

同場加映：《Mr. Stranger》｜Anson Lo曾壓力爆煲憂達不到外界期望 喜見MIRROR12子各有發展路向

{{hket:ul-video id="5381"}}{{/hket:ul-video}}

在片中，燦哥表示早前與兩位朋友坐同一架車，之後兩位友人相繼確診，其中一位更自稱抵抗力強。燦哥就指擔心自己也中招，更有喉嚨痛的病徵。「唉，壇嘢（疫情）冇得搞㗎，係遲中早中嘅問題啫，驚緊嗰條友，終於都喉嚨痛啦，嗰條友就係我喇！」

{{hket:inline-image name="8.png"}}{{/hket:inline-image}}

他又指自己在喉嚨痛和扁桃腺發炎方面都算是「專業」，他說︰「30年前，嗰時拍緊戲，又唔夠瞓，身體又弱、又攰、又食煙，所以一有返風落雨，啲感冒菌一嚟，我第一個就中㗎啦。」他指當時經常要睇醫生，更試過感冒菌入耳，導致耳水不平衡，足足醫了成個月。

{{hket:inline-image name="22_600.jpeg"}}{{/hket:inline-image}}

燦哥說近來因疫情關係，很多人都說要用鹽水漱口消炎：「目的都係希望將啲病毒喺口腔裏面堵截咗佢，唔好畀佢進入你嘅身體，但鹽太少又沒有效，鹽太多又太刺激喉嚨。」他在醫生介紹下，用天然海水噴鼻劑及滴蜂膠去紓緩喉嚨痛，但燦哥今次兩者也沒有用，於是他服用朋友介紹的中藥，表示：「瞓咗晚就搞掂晒。」之後做了兩次快速檢測，都是陰性。

燦哥又提醒大家如果不幸「中招」要飲大量水，「最好飲檸檬水，以補充維他命C。」最後，他強調以上資訊純屬個人經驗分享，有病一定要睇醫生。

健康出現問題丨廖偉雄自爆9年前有高血壓 胸口翳悶左手麻痺感憂心【下一頁】