奧運冠軍孫楊直播「沉默」吸觀眾 網民鬧cheap：到20萬表演驗尿？

中國著名泳手孫楊喺1月時「轉行」帶貨，試過1日走3場直播，賣出嘅貨品，價值1,449萬人民幣，非常有「叫座力」。但孫楊近日喺直播帶貨中嘅舉動就引嚟網民大大嘅反感。

在最新一場直播中，孫楊同助理用一塊白板同觀眾溝通。佢一開始寫上直播間人數到3萬時，先會除低太陽眼鏡，點知到數後孫楊又要「加碼」，「人數到5萬就笑一下」，之後佢再寫上人數超過8萬會保持微笑，若到10萬人佢自會開金口講嘢。

同場加映：《Mr. Stranger》｜Anson Lo曾壓力爆煲憂達不到外界期望 喜見MIRROR 12子各有發展路向

{{hket:ul-video id="5381"}}{{/hket:ul-video}}

最終，雖然收看人數逾10萬，不過孫楊為「儲人數」而做嘅行為，令一班苦等着嘅忠粉非常反感，紛紛斥責︰「孫楊請立即說話」、「不要消費觀眾了」、「這樣唬弄觀眾，又沒有付出，又沒有技能」；仲提起佢嘅禁藥風波，「到20萬表演驗尿」。另一方面，有網民覺得佢帶貨搵錢，早就有失奧運金牌得主嘅身份，網民有啲乜嘢講呢？「别再做直播了，你是運動員，是優秀的國家運動員，不要拉低自己檔次」；咁當然都有人撐佢搵錢係「人各有志」，「只要他不違反黨紀國法就行」。

{{hket:inline-image name="00238bRhly1gxtv04itk0j62qg21unpe02.jpg"}}{{/hket:inline-image}}

孫楊一向都係話題泳手，早前被判8年禁賽嘅佢，如今仍尋求上訴到瑞士聯邦最高法院。2014年5月全國游泳賽，孫楊被驗出對禁藥Trimetazidine呈陽性反應，1,500米冠軍被禠奪、遭停賽3個月及罰款5,000元人民幣。孫楊在公布結果當天宣稱為誤服。惟罰則過輕，甚至無阻孫楊參加當年9月舉行的仁川亞運，令國際泳壇譁然，但國際泳聯未追究，而世界反禁藥組織（WADA）調查後僅作警告。

禁藥事件後兩年，孫楊征戰里約奧運，泳池邊激發口水戰。澳洲泳手賀頓（Mack Horton）冷待孫楊，向傳媒表示不欲與服禁藥選手來往，喺400米自由泳摘金後稱擊敗「禁藥騙子」。孫楊及後回應是「澳洲人的小伎倆」。除賀頓外，法國泳手拿確特（Camille Lacourt）接受法國媒體訪問時，稱每個項目決賽都有2、3人服食禁藥，更直指「孫楊嘅尿係紫色」。

2019年，孫楊出戰韓國光州世錦賽，400米奪得金牌，銀牌的賀頓拒絕同佢握手。而200米銅牌得主、英國泳手史葛（Duncan Scott）拒絕上頒獎台跟孫楊合照，後者離開時用英文教訓佢：「你是輸家，我贏了！」

圖片來源：微博

撰文：黃蘊姿