余文樂向吳建豪示愛叫「愛你胸圍」 杜汶澤與bra自拍恥笑：佢最鍾意

余文樂近年集中火力經營佢嘅NFT（非同質化代幣）同潮牌生意，並計劃推出自家的NFT系列「Zombie Club」，賺到盆滿缽滿嘅佢比起好多同期嘅明星都來得成功。現居台灣嘅樂仔相識滿天下，日前佢喺Instagram限時動態上載同老友吳建豪合照，不過就竟然鬧出笑話。

同場加映：《Mr. Stranger》｜Anson Lo曾壓力爆煲憂達不到外界期望 喜見MIRROR12子各有發展路向

{{hket:ul-video id="5381"}}{{/hket:ul-video}}

樂仔同吳建豪舉起V字手勢，樂仔配上文字「Love you Bra（胸圍）」，思疑係烏龍將「Love you Bro（兄弟）」打錯，雖然佢之後已經刪除限時動態，但都已經有唔少人睇過。

{{hket:inline-image name="GFTdLyl62rXwp9-UflH4mr7Cs5DE67miFCKyoxQisqM.jpg"}}{{/hket:inline-image}}

其中，杜汶澤仲唔止睇，更加係打下「Love you Bra」Caption，同老婆田蕊妮同一個阿婆肉色胸圍合照恥笑樂仔，非常抵死。有人留言話自己最憎戴Bra，杜汶澤就配上樂仔圖片，留言：「佢最鍾意。」真係完全唔怕得罪人呀！

其實杜汶澤寸余文樂都唔係第一次，之前台灣曾經有媒體出post提問，「說到『人生勝利組』你會想到誰？」杜汶澤留言，點名佢心目中人生勝利組係「余文樂」。杜汶澤3個理由：「香港出生自由成長、中國護旗賺人民幣、然後娶台妹住台灣。」杜汶澤呢個留言有五千幾人畀讚，睇嚟唔少人都好同意佢嘅睇法。

其實杜汶澤同余文樂都好有緣，二人曾合作拍過唔少電影，包括《同門》、《無間度》系列以及《飛虎出征》等，如今更係前後移居台灣，唔知佢哋係friend到唔介意互窒，定還是大家都老死不相往還呢？

撰文：黃蘊姿