Stephen．傾丨張明偉指與無綫新管理層有代溝 「後生仔都唔係睇呢啲嘢！」

張明偉畢業於第25期無綫藝員訓練班，一直獲分派閒角，直至2018年，他才遇上處境劇《愛·回家之開心速遞》George這個角色，成功入屋，可惜去年，他被公司雪藏。雖然近排較為「手緊」，但他沒有要求家人在經濟上支援，張明偉指自己「年輕力壯，做乜都得啦！」

同場加映：Jeremy認個性沉實不及其他成員風趣 做貼地偶像喜見媽媽興奮炫耀

{{hket:ul-video id="5346"}}{{/hket:ul-video}}

{{hket:inline-image name="geo1_600.jpg"}}{{/hket:inline-image}}

{{hket:inline-image name="9.jpg"}}{{/hket:inline-image}}

陳志雲主持的網上節目《Stephen．傾》昨晚（3日）播出張明偉的訪問，提到爸爸張永森是一名律師，亦是前立法會議員，1993年獲委任為太平紳士，至於媽媽以前就從事教育，張明偉笑言爸爸的確犀利，所以自己更加不可以「衰畀佢睇」。他有4兄弟姊妹，而家姐和妹妹已經結婚，搬了出去，他熱淚盈眶說：「屋企越嚟越少人，上年年底我去美國登台，咁啱我隻狗有病，身體急轉直下，我返嚟嗰日搭飛機，佢就走咗，返到嚟仲要隔離3個禮拜先返到屋企，第一次感受到，屋企得番我一個。」

追夢富二代｜張明偉突然宣布離開《愛·回家》George激似林作令觀眾深刻印象【下一頁】

{{hket:inline-image name="30.jpg"}}{{/hket:inline-image}}

{{hket:inline-image name="31.jpg"}}{{/hket:inline-image}}

對於被無綫雪藏，收入大受影響，張明偉直言沒收過家人分文，他說：「我仲同屋企人住，已經係最大嘅支持，好開心阿媽未踢我走，我有畀家用，但近排手緊，阿媽都明白，不過我有『秘撈』，幫人做吓歌，同埋演『George』之前嗰排，我揸過Uber，點知我唔識路，有次車個客由港島區去黃金海岸，但我上錯咗去青馬大橋，咁咪去迪士尼，好彩個客好包容我，照單畀錢，我好感恩。」他指電視台的月薪不足一萬元，所以閒時都會「揸Uber」，每月多五至六千元的補貼。陳志雲問他是否做過餐飲業，張明偉說：「喺美國做過，至於喺香港，我做過零售業，兼職賣衫，做吓又走吓，所以做到臭咗朵。」不過就算唔夠錢用，張明偉都唔會問屋企，「年輕力壯，做乜都得，只係接唔接受到自己做呢啲嘢。好多地方嘅大明星，初初都係咁，做任何工種去支持自己夢想，都好正常啫！」

PET PET星丨張明偉愛犬畢仔離世頓感空虛 一見鍾情領養全黑狗女JoJo【下一頁】

{{hket:inline-image name="50.jpg"}}{{/hket:inline-image}}

有傳張明偉在元朗信義中學門外唱《銀河修理員》令無綫不滿，因而雪藏他至今，他說：「我估係呢個原因，我冇得證實，但時間好吻合。我冇後悔唱，做咗就冇後悔，我都係唱一首情歌啫！我支持記過嘅學生，係因為佢哋提出一個問題，大家係咪可以考慮吓，首歌係咪真係有問題呢？到現時為止，原唱者仲可以唱呢首歌㗎，冇問題喎，我純粹支持唱歌咋喎。好多人為咗呢件事而標籤我，但我冇任何表態喎，我係從一個教育角度睇呢件事，唔係大家所諗到咁政治咁敏感。」他指與公司想法不同，公司認為他是「踩界」，他續說：「據我所知，佢（公司管理層）有同我同事、朋友講『小心啲張明偉，唔好like佢啲嘢，佢好敏感』。」

George告別《愛回家》│無綫新官上任卻換來心灰意冷 張明偉：只希望公司學懂尊重【下一頁】

{{hket:inline-image name="60.jpg"}}{{/hket:inline-image}}

{{hket:inline-image name="61.jpg"}}{{/hket:inline-image}}

張明偉直言此刻感到很徬徨，指自己對這間公司很有感情，愛之深，責之切，他很想公司好，可惜事與願違。談到他曾講過新官上任令他心灰意冷，張明偉坦言新管理層有代溝，「未必了解到年輕人想睇啲咩，百花齊放，講得好聽，但用舊嗰套做節目，後生仔都唔係睇呢啲嘢；最近有朋友share畀我，而家公司有兩個節目都有青春兩個字，大佬呀，你擺得青春呢兩個字喺節目名，件事都唔青春啦！呢個我都係聽人講，唔係我講㗎！不過我見到佢哋有改，台慶有個環節，係後生講番喺訓練班嘅辛酸。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】