89歲黃夏蕙自稱妒忌心重愛呷醋 否認當年勾人老公：離晒婚先搞

現年89歲的黃夏蕙曾被封「殯儀之星」，一舉一動備受關注，後期終踢走這個稱號，坊間冠以「夏蕙BB」美譽，獲得不少人的認同。夏蕙姨這日接受港台《一起走過》楊紹鴻、寶珮如訪問，大談她如何對待外界批評，並分享同名人胡百全的一段情，及同老公潘炳烈是怎樣認識等等感情事。

同場加映：Jeremy認個性沉實不及其他成員風趣 做貼地偶像喜見媽媽興奮炫耀

{{hket:ul-video id="5346"}}{{/hket:ul-video}}

{{hket:inline-image name="03031007.jpg"}}{{/hket:inline-image}}

{{hket:inline-image name="03031002.jpg"}}{{/hket:inline-image}}

對於形象由不受歡迎至如今「夏蕙BB」的轉變，夏蕙姨表示：「每一次有人鬧我都一笑置之，好閒啫！人不招妒是庸才，我唔出名都唔會鬧我，因為我出名先至鬧我，鬧鬧吓佢都唔鬧，我又冇得罪人。（有冇嬲過？）冇，覺得人生呢，饒恕人等如饒恕自己，每一個人都有缺點，饒恕佢有乜所謂？我嬲佢做咩？嬲到自己痛苦？就算我嬲你，我都好快唔記得，所以啲人話我冇記性，我唔係冇，唔通嬲你一世？初初幾日你唔啱就唔睬你囉！但我係唔記仇。」

88歲黃夏蕙素顏上陣玩浮潛餵魚 生死有命：珍惜剩餘時間做善事【下一頁】

提到被指由頭到腳都有整容，夏蕙姨只認有做過雙眼皮吊線，「後生時好多人鍾意割雙眼皮，係好普及嘅事，不過嗰時就冇整。（之後先去整？）我好老嗰陣時，雙眼皮……話可以吊線，唔使開刀，但原來吊線係冇用，好似拉皮咁，唔開刀係拉唔到。（其他地方有整容？）冇，眼都係後期整，最簡單睇番我以前啲相就知，而家吊線都冇用啦！好快就塌番落嚟，年紀大都冇必要整，我又驚開刀見血。（鍾意戴假髮？）因為便利、快靚正，拍嘢有假髮就戴假髮，其實我頭髮好長。」

黃夏蕙自稱「純天然」得一樣嘢係假 朋友「斷纜」上頭柱香相繼離世【下一頁】

夏蕙姨的感情事算是很精彩，同名人胡百全（已故）的一段情，沒有名份之下為胡家誕下4子2女，後來嫁給賽車名將潘炳烈，今年是結婚38周年。夏蕙姨18歲時，經慈善伶王新馬師曾（已故）介紹而認識胡百全，是一見鍾情，「好少見一個男人咁斯文淡定，會開車門畀你，又會好保護你，佢係好gentleman。（因此吸引到你？）係，覺得世界上有咁斯文嘅人，佢都好靚仔。（當年已好有錢？）係佢家族有錢，而家我都要攞番佢家族身家，不過我懶冇去做。（冇正式結婚？）唔使！因為佢家族話明係胡家子孫就得，唔理你係大婆定妾侍。」

（↓點擊圖片放大↓）

至於同老公潘炳烈的緣分，夏蕙姨當年因為坐駕遭撞毀而去報案，跟時任幫辦的潘炳烈有過一面之緣，二人相隔十幾年後才記起此事。夏蕙姨指胡百全離世，潘炳烈亦同老婆離婚，「佢身邊冇人，我又冇人。最緊要佢冇老婆，佢有老婆就麻煩，女人梗係呷醋。（你算是呷醋女人？）我係好呷醋，當你愛得越深，恨就越深……樣樣都可以大方，錢銀乜嘢都可以冇晒，勾我男人就唔得！我絕對比任何一個女人嘅妒忌心重。（你有去勾人老公？）我冇！離晒婚先搞，你唔離婚就唔得……第一次唔係我勾，我都唔知老公啲嘢，後尾先知佢有老婆，胡百全老婆同仔女都唔係香港。」夏蕙姨坦言從來做事都無後悔，現在想用慈善牌照申請經營老人院。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】