江嘉敏疑與有米男友3年情斷 最後晚餐暗示玩完：謝謝給我教訓

現年27歲的江嘉敏有「無綫發電機」之稱，是非多多嘅佢曾傳出收兵同放電𢲷着數等負面新聞，令佢形象一直唔係太好。不過電競公司高層有米男友Anthony男友由始至終都對佢投信任嘅一票，更曾喺訪問時為女友擋駕。二人拍拖睇落感情穩定，又不時高調「放閃」曬愛，但就有傳原來兩人已分手，甚至有指Anthony疑似「出軌」。

同場加映：江華女兒陳薔天曾逃避星二代之名 「爸爸似《九五至尊》成日爆金句」

{{hket:ul-video id="5351"}}{{/hket:ul-video}}

江嘉敏一早喺社交平台「洩露」消息，已Unfollow對方，但Anthony仍有於社交平台Follow女方，非常有可疑。另外，11月4日係江嘉敏生日，去年佢臨近生日時日日都有出Post為生日倒數，當時Anthony亦上載兩人頭貼頭齊嘟嘴的合照，更以英文留言：「Happy birthday to my perfect one...」網民仲以為佢放風好事近。

之不過，兩日前江嘉敏再上載慶生照，就咁樣留言：「最後．晚餐」，又特意標籤「見到我仲係金毛就知係Latergram（之前拍的）」、「一切嚟得太突然」、「2022年我哋嘅第一餐亦都係最後一餐」，向來稱呼Anthony做「超人」嘅佢，又標籤「拯救地球系列」、「結局篇」，似係暗示二人已經玩完！傳媒向江嘉敏求證時佢異常寡言，冇承認亦冇否認分手只係話畀啲時間佢，自己好多嘢忙緊。

{{hket:inline-image name="274826278_480406860359753_1301645796913998438_n.jpg"}}{{/hket:inline-image}}

上星期江嘉敏Post咗兩張長髮舊照，留言：「趁今日有那麼多『愛』，給情侶們一個小分享，兩個人在一起久了呢，會膩，會沒有新鮮感，但你要知道，新鮮感是和舊的人去體驗新的事物，而不是和新的人去體驗舊的事物。」又標籤「知道嗎舊人」、「嗱長頭髮吖」；還有一句煞有介事「一個人愛你係唔會理你長頭髮定短頭髮」，似乎被嫌棄短髮唔靚？係Anthony移情別戀原因之一？

江嘉敏昨日又上載劇本，指自己喊到睇唔到下一頁，留言：「編審編劇係咪專登為我而寫㗎？」更Highlight劇本上「身心疲累」4字，又Post手寫字：「想離開你的人，會有千萬種理由，想陪伴你的人，趕也趕不走。」晚上再度出Post：「永遠不要責怪你生命裡的任何人，好的人給你快樂，壞的人給你經歷，最差的人給你教訓，最好的最後Hashtag『謝謝你給我回憶也給我教訓』、『你們會好好的』。」

到今日（３/3）下午又再出IG story：「明明曾經那麼要好過，但一轉眼卻又突然變得陌生了。」句句都夭心夭肺，似乎係分手感言。

江嘉敏曾經自爆多次被前度背叛，佢喺無綫節目《代溝關注組》講到之前兩段關係點解會分開，都係因為男朋友「出軌」，其中一個仲唔只「出軌」一次。江嘉敏憶述第一次拍拖時，男朋友臨時話星期日要同家人聚會，當時佢18歲初戀所以好信任男方，但原來男方當日係約咗自己好姊妹，仲要畀江嘉敏撞到。

而對上一個前度偷食對象有模特兒、KOL、藝人，江嘉敏搖搖頭話︰「咁其中有一個女藝人我都識，有食過飯嘅。」坦言之前一直未發覺，每次自己返工打畀男朋友都會聽到佢（該女藝人）把聲，男方解釋與該女藝人只係一齊食飯，「我嗰時仲相信男朋友……」直至有一日江嘉敏喺屋企樓下見到對方架車，先揭發男朋友「出軌」事件。

「到分手嗰刻，我先知原來佢哋係有過嘢囉！屋企張床係污糟囉！我覺得！」

撰文：黃蘊姿

圖片來源：Instagram