新冠肺炎｜大量取消訂單退款 客戶投訴等8日 HKTVmall承認確診增致缺人手送貨

疫下搶貨難，連網購亦難保有貨。HKTVmall fb專頁湧現大量投訴，有多名顧客稱早於上月已落單預訂，且獲通知可在本月5日送貨，惟昨突然收到通知稱「無貨」，「成張單同我cancel」；有顧客指若早知無法送貨，可到門巿取貨，批評HKTVmall電話「無人聽無人覆」，苦嘆「等咗咁耐，話cut就cut……」；亦有人怒轟急需日用品才下單，未料遭取消送貨，大失預算。

HKTVmall客服在fb回覆，稱因訂單量急升，且前綫員工確診及隔離個案增加，致人手非常短缺，部分訂單因物流問題，未能安排送貨，已通知客人退款安排。

HKTVmall回覆本報時承認，有取消客人訂單，主因前綫需每日做快測，確診者增加，致人手短缺，形容前綫已「壓力爆煲」，現難預測人手何時可以復常。

實惠全綫門市提早晚上8時關門 ，網購訂單或因檢疫延緩，詳情即睇【下一頁】

撰文：脫芷晴
責任編輯：方雅儀