林峯7千萬薄扶林複式豪宅曝光 張馨月留家抗疫曬無敵大海景

林峯近年主力在內地發展，近日帶老婆張馨月同囡囡一齊返香港。由於疫情關係，張馨月同囡囡留家抗疫，並不時喺社交平台分享自己在香港的居家生活。

{{hket:inline-image name="68.jpeg"}}{{/hket:inline-image}}

同場加映：Jeremy認個性沉實不及其他成員風趣 做貼地偶像喜見媽媽興奮炫耀

{{hket:ul-video id="5346"}}{{/hket:ul-video}}

張馨月最近喺小紅書上載一段自己喺屋企煮嘢食嘅影片，入面炫耀佢煮嘅唔同菜式︰例如有羊肉湯、素三鮮生煎包、自家製芝士部隊鍋等。張馨月留言：「香港的疫情太嚴重了，只能在家研究各種美食啦！」不過網民重點都係落喺佢間大屋，事關個海景真係非常搶Fo呀！

{{hket:inline-image name="54.png"}}{{/hket:inline-image}}

據知林峯一家三口住喺薄扶林嘉林閣一個近2,500呎複式單位，大廳有落地玻璃窗可飽覽數碼港海景，好有居高臨下嘅感覺！有指林峯喺2015年以逾6千萬購入該單位，而目前已經升值超過7千萬。

其實兩人婚前已在這裡居住，可見家裡設有迷你小食部，當時張馨月在網上表示：「終於有點温馨的感覺了 #心目中家的樣子 #家裡的小天地 #影音室裝扮中」。

張馨月亦不時喺社交平台曬恩愛，喺呢段片亦唔例外。雖然林峯無出鏡，但可以聽到佢不斷大讚老婆煮嘢好好食，佢仲幫手包生煎包畀囡囡「格格」食添呀！張馨月仲話囡囡認證咗媽媽嘅廚藝，片中格格不停講：「要！要！要！」

{{hket:inline-image name="8.png"}}{{/hket:inline-image}}

撰文︰林惠珊