新冠肺炎︳同事辦公室快測陽性笑稱「唔準」 全公司至少一半人被傳染 打工仔燒足3日：好驚傳染屋企人

本港第五波新冠肺炎疫情嚴峻，連日來單日確診數字屢創新高。有網民日前（2月28日）在討論區發文，指公司有同事於公司進行快速測試，取得結果呈陽性後，竟拿著快測棒到處找人聊天，又戲稱結果「唔準」、「唔信」。最終，事主慘遭傳染，表示：「燒左3日，仲驚傳畀屋企人。」

同場加映：

Healthy Life ︳聾人家庭長大由自卑到感恩 願一生當父母專用手語翻譯員

{{hket:ul-video id="5357"}}{{/hket:ul-video}}

該名網民在連登討論區以「同事播毒」為題發帖，指公司一名同事平時返到公司先除口罩食早餐，對方在幾日前已有病徵，至日前回到辦公室方做快測；檢測結果呈陽性後，對方戲稱「唔信」、「唔準」，甚至「拎住支棒周圍搲（𢲷）水吹」。

事主指，當時該名同事與自己的距離越行越近，「好似以為講笑玩玩吓咁」，最終連累他被傳染「中招」，

「咳到瞓都瞓唔到，燒咗3日......已經發緊（燒），全身發冷咗3日+喉嚨乾到傻，勁過普通感冒少少。」

他又指，現時全公司起碼一半人染疫，連老闆亦確診，「佢已經畀人趕走，但佢已經傳晒畀成個office；雖然老細趕佢走，佢仲要留多陣吹水先肯走。」

同時，他又擔心會傳染給家人，又形容自己猶如「小朋友」般要家人照顧，「幫手買早餐買藥買水」；而且他染疫亦令家人擔心，「屋企人知我陽性又手停口停」。對此，他不禁大罵道：

「屋企仲要唔夠藥，又買唔到，X佢老X......屋企啲藥只係夠我1個食多2日......出街食飯、搭車中都冇咁嬲，最多都係怪自己唔好彩，畀個同事咁搞先最嬲！」

帖文一出，不少人都紛紛留言批評該名同事的行為自私，此舉恐會連累其他同事、甚至同事的家人：

（↓點擊圖片放大↓）  

政府10款認可快速測試套裝

自從政府宣布快速抗原測試驗出陽性的患者，可直接視為確診個案後，全城出現新冠肺炎快速抗原測試包搶購潮。而政府亦最新列出認可的快速測試套裝品牌，採樣方法均屬鼻腔拭子，結果讀取時間由15至20分鐘不等，目前已增至10款，型號如下：

（↓點擊圖片放大↓）  

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

撰文：潘迦晴