梅啟明妻爆梅媽閂水喉真正原因 公開錄音：啲錢係你細妹唔係你

已故香港天后梅艷芳母親梅媽早前登報與長子梅啟明斷絕母子關係，梅啟明尋日（27日）搵嚟一眾傳媒表示要替梅媽澄清，指有人操控梅媽斷絕母子關係兼閂水喉，梅媽並唔知情。記者會過後，梅啟明老婆Joey公開咗三段錄音內容，表示要揭開佢真面目，同埋公開梅媽閂水喉真正原因。

同場加映：  江華女兒陳薔天曾逃避星二代之名 「爸爸似《九五至尊》成日爆金句」

{{hket:ul-video id="5351"}}{{/hket:ul-video}}

第一段錄音係2月25日梅媽同梅啟明對話。梅媽指自己身處醫院，指現時疫情嚴重，叫梅啟明唔好騷擾她，但梅啟明只係下下問梅媽拎錢，表示自己已經冇晒錢。

第二段錄音係梅啟明同Joey對話，錄音中Joey表示希望同梅啟明離婚，認為梅啟明已經傷害阿仔太深，如果離婚梅啟明亦可以同佢外遇對象「泰妹」結婚，叫佢等泰妹養，過有錢人生活，同時直斥佢「窮過鬼就唔好學人玩女人」。另外，梅啟明曾經指自己欠債係因為要畀阿仔由大馬回港隔離，但Joey就指阿仔已經唔想見到佢，又話佢會酒後胡言亂語、行為失控，想迫個仔喺疫情期間去醫院探梅媽。Joey明確要求離婚同個仔返大馬，但梅支吾以對。

{{hket:inline-image name="800_28965e2360629bfdc82b23335420833esaasftp20200221_600.jpg"}}{{/hket:inline-image}}

梅啟明曾指每個月問梅媽拎2萬係交阿仔學費，Joey指自己已經好耐冇收家用，梅啟明甚至拎走佢6千元同阿仔1千元零用錢，現時只求梅啟明還錢，梅啟明又話要去醫院問梅媽拎錢再還錢。Joey鬧爆佢唔要面，佢要還嘅錢又係問梅媽拎，更爆梅媽閂水喉原因係梅啟明玩女人。

第三段錄音都是梅啟明和Joey，Joey說梅媽已經99歲，Joey鬧梅啟明連99歲阿媽都唔放過，梅回應「啲錢我應份攞嘅」，Joey就話佢：「嗰啲(遺產）你阿妹嘅錢，你點應份攞？」。Joey接受傳媒訪問都講到兒子到香港，梅啟明作為父親都冇關心過他。