無綫電視城爆疫後4日︳馬國明明日率先復工拍《法言人》 尊重公司開廠決定：惟有自己小心

無綫電視城24日爆出有多名台前幕後確診新冠肺炎，而無綫外事部同日發出通告，提到有幾名藝人初步確診，為防進一步擴散，決定「停廠」暫停所有拍攝工作，受影響劇集包括《隱門》、《法言人》、《回歸》、《曙光》，以及每日開工嘅處境劇《愛．回家之開心速遞》同《破毒強人》，今日（28日）再有消息指部分劇集拍攝將會復工。

同場加映：江華女兒陳薔天曾逃避星二代之名 「爸爸似《九五至尊》成日爆金句」

{{hket:ul-video id="5351"}}{{/hket:ul-video}}

{{hket:inline-image name="3.PNG"}}{{/hket:inline-image}}

消息指除咗《愛．回家之開心速遞》及外判劇《法言人》，其他劇集將會繼續停工直至3月7日。主演《法言人》嘅馬國明透露明日復工，「我哋劇組聽日開番廠，惟有自己小心啲，我自己就覺得如果再停多幾日都係好事……既然公司覺得廠安全可以開工，都尊重公司決定，我都係等公司安排。」而同劇嘅林夏薇則表示仍等候公司通知。

而有份參演《愛．回家之開心速遞》嘅滕麗名亦表示未收到通告要開工，又指明白處境劇會比其他劇「拍攝進度緊張少少」，因為要每日出街，但就話相信公司會提供一個安全嘅工作環境予員工。而該劇監製林建祥表示，現時劇集尚有存貨，會嘗試復工，但盡量減少拍攝場次及每場人數，未來會視乎情況決定是否需要再停廠。

圖片來源：Instagram