森美行超市見大部分貨架「清零」 呼籲市民勿「盲搶炎」：香港人定啲！

本港第五波新冠肺炎疫情嚴峻，消息指今日新增34,466宗確診個案，數字再創單日確診新高。食物及衞生局長陳肇始今早（28日）在電台節目中表示，根據衞生防護中心評估，目前疫情未見頂；政府目前並無完全排除在此期間實施「禁足令」。而不少超市今日都出現搶購潮，市面上有不少食品如麵包、蔬菜、即食麵等，又或是藥物及日用品等都被搶購一空。

{{hket:inline-image name="274167547_4427851217316072_510228722924850542_n.jpeg"}}{{/hket:inline-image}}

同場加映：Jeremy認個性沉實不及其他成員風趣 做貼地偶像喜見媽媽興奮炫耀

{{hket:ul-video id="5346"}}{{/hket:ul-video}}

森美亦在社交網上載兩張超市貨架幾乎被清空的圖片，不過在其中一張照片見到貨架仍有個別口味的杯麵存貨。他留言：「香港人定啲！冇事嘅。不過做即食麵嘅公司，如果發現貨架上面你兩個口味仲有貨！要諗諗點解！！！#盲搶炎」

有網民亦留言幫手呼籲香港人要冷靜，唔好「盲搶炎」，「大家真係要冷靜啲」、「話有可能禁足，所以又做成恐慌」、「冷靜啲，唔使搶嘅，貨倉大把貨，唔好一窩蜂去搶」、「落街市同超市，以為自己喺基輔」、「食物是足夠的，大家不用太擔心」等。

另外，有網民笑指森美幫即食麵公司做「市場調查」，留言：「杯面永遠得辣味同蕃茄味」、「大多數係辣味，可能啲人避免食完到時唔知中邊樣，係中招定純喉嚨痛。」、「因為食辣會喉嚨痛」、「即係市場調查，冇得食都唔揀」、「要幾難食先會剩咁多冇人買」、「睇民意就知邊隻係好食同唔好食喇！」

{{hket:inline-image name="234.png"}}{{/hket:inline-image}}

早霸王丨森美去年為男聽眾表白對象竟已婚 Ray再接再厲向初戀表白成功翻撻【下一頁】