193擔心花無百日紅影響收入 爆ERROR年尾將開拍新節目

男子組合ERROR成員郭嘉駿（193）除了創立自家品牌LILABOC之外，之後更會與友人在紅磡區開設一間Tanuki Coffee。昨日，他接受鄭裕玲（Do姐）主持的商台節目《口水多過浪花》訪問時，被Do姐指他是一位小企業家，而193表示現時所做的一切都是為了不穩定的將來。

同場加映：林峯與張馨月幼稚爭執成情趣 工作動力源自女兒一聲「爸爸」

{{hket:ul-video id="5309"}}{{/hket:ul-video}}

{{hket:inline-image name="10.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

193透露有很多人邀他合作做生意，但9成都被他婉拒，193說：「我鍾意親力親為，唔想交畀人哋，因為一個陌生人，始終信唔過。我試過信錯人，試過有人成日讚我，同我傾偈好friendly，話我嘅牌子好好，但喺背後就話我嘅牌子好差，之後有朋友話番畀我知。如果係幾個月前嘅我，我會好衝動，一定直接轟落去，問佢點解要咁做；但而家嘅我，算啦，多一事不如小一事。」對於別人的攻擊、公審，193坦言很想不再理會，但可惜始終忍不住，都是選擇去看，看了又在意。幸好現時的他，不再選擇互罵，而是選擇感化對方。

ERROR成員丨193郭嘉駿被師妹COLLAR搶先出新歌嬲豬 2月底開Cafe：直接講呃你哋錢【下一頁】

眼見這一行的收入不穩定，193都擔心會突然失去工作，所以開始投資錶、車、NFT。Do姐問他會否擔心花無百日紅？193說：「我受得住，所以而家做嘅嘢，都係為咗好唔穩定嘅將來打算，起碼我到時唔紅，冇人識嘅時候，我仲有自己嘅品牌、Cafe run緊，啲人唔係因為我個名而買，而係因為我個牌子而買。」Do姐追問他有否與ERROR其他成員傾過將來？193笑說：「有呀，『呃』錢嘅嘢，我哋最鍾意諗，ERROR直接講，大家諗緊點樣『呃』大家嘅錢。其實大家都做緊唔同嘅生意，4個都好勤力去做生意，大家都需要錢，因為大家唔係出生於好富有家庭，所以大家都需要賺呢筆錢，希望可以養活自己同屋企人。」193透露ViuTV暫定年尾有ERROR的綜藝節目，Do姐問他有否諗過單飛開演唱會？他笑說：「單飛就唔會，都冇歌唱，唱10分鐘就完；反而我有諗過我哋4個一齊開騷，我覺得而家我哋被人認識嘅程度，應該可以開到紅館，開一場半場都得啩，不過而家有疫情，都要睇公司安排，唔係一步就登天。」

宇宙天團丨ERROR周五推出新團歌 騷肥腩毛腿惡搞COLLAR【下一頁】

{{hket:inline-image name="71037621_661427941013195_7989896018255350046_n.jpg"}}{{/hket:inline-image}}

{{hket:inline-image name="67658298_374844653425679_6552301234876128002_n.jpg"}}{{/hket:inline-image}}

入行後，193坦言開心每天都能夠接受不同的挑戰，不過亦有不開心的時候，他說：「被人攻擊，被人鬧，同埋冇咗私人生活，出到街，可能好多人都叫影相或者偷拍，想去食好平民嘅快餐店，但好似好麻煩。我唔介意同人影相，但我怕影響到其他人，不過唔係唔開心，因為我知道係等價交換，我好樂意同任何人影相，如果我有時間，因為我有時會遲到，所以我冇時間。我記得有一次同啲friend一齊喺九展附近，啲fans追咗出嚟，我話『今日唔好影相，太多人。』，後來有一男一女揸住架車，見到我就停低，落車想同我影，咁我之前拒絕咗啲fans，我唔好意思同嗰pair男女但唔同fans影，於是我話唔影，我見到佢哋好失望個樣，到而家都仲記得。其實任何人同我合照，我都好開心，因為你尊重我。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】