新冠入侵《愛．回家》︳73歲大龍生羅樂林初步確診 快測「陰濕」陽性險烏龍走漏眼

香港新冠肺炎確診個案持續上升，今日就連將軍澳電視廣播城亦告「失守」爆疫，台前幕後多位員工先後確診，而無綫亦宣布已將所有劇集包括《愛．回家之開心速遞》、《回歸》、《曙光》、《法言人》、《隱門》、《破毒強人》等全部停工，直至下周一。

同場加映： 林峯與張馨月幼稚爭執成情趣 工作動力源自女兒一聲「爸爸」

{{hket:ul-video id="5309"}}{{/hket:ul-video}}

{{hket:inline-image name="4a2c71a25e.jpg"}}{{/hket:inline-image}}

有指現年73歲嘅《愛．回家》「大龍生」羅樂林都初步確診，羅樂林證實今朝開工前曾做快速檢測，初時以為冇事，但畀監製睇檢測棒時，監製發現仲有一條「暗線」，指佢都係初步確診。羅樂林現時留家休息，只係有少少流鼻水，好精神，家中亦備有退燒止痛藥，服用後感覺舒服咗。

羅樂林接受《晴報》電話訪問，他表示：「日日開工都要檢測，今日唔使返工，不過我都循例檢完就畀監製睇，點知監製即刻打畀我話我中咗，我都睇唔清楚條線，可能病毒量少，顯示好淺色。起初我以為係因為天氣凍，日日開工唔小心感親，有少少流鼻水之嘛！咁我條氣唔順就再試其他檢測套裝，都真係有另一條淺色線顯示中咗！屋企入面工人同老婆都有檢測冇事，平時我哋都一人一間房，食飯都分開食，所以相信安全。」他表示過往幾日開工都是跟「龍家」演員一齊，大家都無恙，至於他現時身體的情況，中氣十足的他說：「我完全唔覺得有咩問題，食咗兩次止痛藥連鼻水都收埋，不過既然話我中，我就呢幾日都唔會出街，(囡囡有冇好擔心？）佢哋知道之後就即刻買測試套裝同嘢食畀我囉，之後幾日都唔會出街喇！」

監製林建祥接受《晴報》電話訪問，他表示：「係呀，佢唔太識睇條線，我幫佢睇真啲係好似有兩條，所以叫佢留喺屋企休息唔好返工！（其他演員有冇呈陽性？）暫時未知，因為都係靠演員向公司申報。過去幾日羅樂林都唔多戲嘅，但同邊個對手就唔太記得喇！」佢表示《愛回家之開心速遞》暫時停廠兩日，不排除會延長停廠日子，「最重要係演員身體健康，而家錄影廠已經進行消毒，（擔心影響拍攝進度？）冇辦法，安全最重要。」

無綫助理總經理（藝員管理及發展）樂易玲回應時表示：「電視城會進行大清潔，各自部分管理層會安排員工在家工作，但有必要工作就無辦法。（擔心大爆發？）擔心，不過think positive要work hard，疫情始終有一日會過，明白好多人留喺屋企，我哋唔單止娛樂，仲有好多重要嘅健康資訊要畀電視觀眾睇到！」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】