馬米高爆唔再公開同馬蹄露互動原因 「唔想我姑姐再受到任何侮辱」

馬蹄露姪仔兼YouTuber馬米高曾於無綫工作7年，自2019年初拍完《牛下女高音》就離開無綫，而家喺美國紐約修讀戲劇課程。身在紐約嘅佢閒時都會拍片，最近一條片佢同網民大玩Q&A，提到點解佢唔再公開同姑姐互動嘅原因。

{{hket:inline-image name="233232.jpeg"}}{{/hket:inline-image}}

同場加映：曬ya馬拉moi丨 張慧儀為保護心臟病養子做長氣媽 Hanson性格太單純：唔鼓勵拍拖

{{hket:ul-video id="5312"}}{{/hket:ul-video}}

有網民問到佢：「點解唔再同姑姐互動？我哋好鍾意睇你同姑姐互動。」馬米高表示好多人成日問佢呢個問題，佢回應：「我同姑姐關係同以前一樣，我前幾日同佢傾過計，仲影咗佢張醜照。」說罷，更向鏡頭Show出姑姐的「醜照」。

馬米高續說：「我哋仍然做緊以前會做嘅嘢，會講笑，但就冇喺熒幕前做。點解冇呢？唔係因為人哋唔鍾意睇我就唔拍，我唔係咁嘅人。我係因為唔想我姑姐再受到任何侮辱。我覺得我被人侮辱係唔緊要，但如果我聽到有人侮辱我屋企人，我會好唔開心，會接受唔到。」

馬米高與姑姐馬蹄露一向感情要好，會一同去旅行，更加陪過姑姐登台擔當助手。自馬米高創立個人YouTube頻道以來，馬蹄露亦不時於姪仔影片中出現。不過在2019年，兩人對社會運動意見分歧，馬米高受訪時坦言沒有因此影響兩人感情，更表示家人永遠最重要，要尊重對方的不同。

{{hket:inline-image name="7.png"}}{{/hket:inline-image}}

他曾在IG表示：「同屋企人意見分歧係一件正常不過嘅事。無論如何，屋企人有事我都會喺佢哋身邊，好似佢哋會無條件照顧我一樣，以前係咁，而家都係。到咗呢一刻，我只係想講：屋企人對我來講好重要。For me, family comes first. It always did and it always will. 」有網民表示好羨慕兩人關係：「我覺得馬米高同姑姐都好幸福，好幸運，即使立場唔同仲可以維持咁好嘅關係！」

【矛頭直指滕麗名呂慧儀】馬蹄露姪仔爆「海產」藝員恰新人 陳豪同邊個有禮貌又提攜後輩?【下一頁】

撰文︰林惠珊