超級偶像也動容︳黃偉文隔空幻想與李司棋食Pizza 偶像神回：「棋」洛「李」維「司」回信

現年71歲嘅李司棋一向心境都好young，緊貼潮流嘅佢不時都會更新社交平台分享生活點滴，當中以佢分享美食嘅片段尤其受歡迎，唔少人都想佢做「食播」，事關真係好治癒呀！日前李司棋在Instagram分享佢歎Pizza嘅片段，睇到人流晒口水，就係因為咁，發生咗一件好「夢幻」嘅事。

同場加映： 林峯與張馨月幼稚爭執成情趣 工作動力源自女兒一聲「爸爸」

{{hket:ul-video id="5309"}}{{/hket:ul-video}}

黃偉文（Wyman）受司棋姐「誘惑」，身在英國嘅佢都特登去食pizza，同司棋姐隔空connet，喺Ig限時動態分享Pizza照，並留言：「前兩日見到司棋姐食Pizza個滿足樣，即刻就忍唔住去食。」雖然Wyman冇Tag司棋姐，但就竟然得到佢本人回覆：「好似好好食咁。」Wyman秒回應偶像：「哈哈，司棋姐你睇到，我害羞了。」

{{hket:inline-image name="248259507_297611078889762_166933433135158595_n.jpg"}}{{/hket:inline-image}}

Wyman激動到特登開多一個post同大家share呢件開心事，仲話係應驗咗18年前嘅預言，佢留言：「『棋』洛『李』維『司』回信！原來係咁解㗎！你話幾萬個中文字我抽五個出嚟，點會咁啱中晒三個字同音㗎唧！真係內有玄機㗎！原來就係為咗今日呀！原來係我自己18年前寫俾自己嘅預言嚟㗎！我唔識司棋姐本人㗎（所以我出咗story都唔敢tag佢怕騷擾佢呀），「山水有相逢」「無雙譜」「強人」「啼笑姻緣」「流氓皇帝」我梗係全部睇晒啦（以上作品我仲用咗兩部做歌名𠻹），近年呢，當然係日日睇佢ig幻想自己同佢一齊食好嘢啦！總之，今日神回覆我呀！開心！多謝L小姐！」

呢件事仲引嚟《奇洛李維斯回信》演唱者薛凱琪回應：「Waaaaaaaaaa 我搵到我嗰個男人，奇洛李維斯，18年後你都搵到你嗰個，但係原來係個女人……我拒絕嗰個畢彼特（薛凱琪有首歌叫《拒絕畢彼特》）係你個世界裏面究竟係咪都係女人&係邊個！ I love her toooo so cute！」

司棋姐本尊又忍唔住再次留言問：「咁個pizza係咪真係好好食啫？」Wyman先記得隆重介紹番：「係呀，呢間餐廳嘅「雙倍辣肉腸加蜜糖」！我每次去英國旅行都起碼要食兩次！」大家都大讚司棋姐又nice又可愛，好堅持要知道個pizza好唔好食，對食有一份執著；又有Wyman fans留言話如果得到Wyman回覆都會開心到癲，所以非常明白佢嘅心情！

圖片來源：Instagram