姜文杰宣布與拍拖8年女友結婚 細妹姜麗文開心到喊：我愛你哋

今日係2022年2月22日星期二兼農曆正月22，秦沛的41歲大仔姜文杰於今日下午2時22分宣布與拍拖8年的女友李泳淇（Rain）結婚，恭喜晒！

{{hket:inline-image name="274310302_261254816163941_8217773280321157069_n.jpg"}}{{/hket:inline-image}}

同場加映：林峯與張馨月幼稚爭執成情趣 工作動力源自女兒一聲「爸爸」

{{hket:ul-video id="5309"}}{{/hket:ul-video}}

姜文杰喺IG撰長文，對Rain深情告白。「相戀時，您22歲，我32歲.. 命運安排我哋拍攝相識，所以當晚嘅珍貴時光永遠記錄喺一條片入面...」他又坦言自己向來都唔係一個細心嘅男友：「同您一齊咁多年，大部份生日飯同情人節晚餐都安在家中煮飯食，有幾次仲浪漫到歎麥記或譚仔外賣，你都冇半點怨言。講到禮物，更係少之又少。情人節我哋習慣唔買玫瑰，反而年年買棵植物返屋企。情信，也從來冇寫過畀你。無論我揀邊條路，您都總會支持我... 有咩諗唔通，您會陪我分析同傾訴... 我有錯，您亦從來唔會怪責我... 反而陪我一齊面對同正視生活上遇到嘅種種難題... 喺一啲最難捱過嘅夜晚，你會扶持我，畀我感覺到你會一直陪我身邊支持我。作為我女友，呢幾年嚟，辛苦了。」

姜文杰又多謝Rain多年來嘅陪伴照顧，承諾會擔起一家之主嘅責任：「我相信，一段美好嘅婚姻，最幸福嘅莫過於日日都同自己Best Friend一齊面對人生各種喜怒哀樂。我好幸福，因為我嘅Best Friend就係您。從今以後，我會擔起一家之主嘅責任，每日努力為姜太太帶來簡單而美滿嘅幸福快樂人生。多謝老婆照顧我無微不至。你煮嘅飯係世上最好味嘅，煲嘅湯亦係最溫暖嘅。老婆，多謝你，我愛你 ！」

Rain亦在IG多謝老公：「跟你在一起的這8個年頭，生活的洗禮令我們長大了不少。陪你經歷了酸甜苦辣，樣樣嘗過；你也伴我走過人生的高山低谷，哭過笑過。唯一不變的，是愛著大家的那顆心。我相信，我們在往後的日子裡，要面對的挑戰還有很多。希望我倆繼續手牽手，共同面對，互相扶持，互相尊重；互相鞭策，一起成長。謝謝你跟我一起走下去，你要繼續當我的好朋友，好戰友。願我們的愛情細水長流，一起變老。餘生，請多多指教。」

而姜文杰細妹姜麗文亦開心到喊，留言：「So so happy！literally crying at work haha CONGRATULATIONS, GOH GOH I LOVE YOU GUYS！」（太開心啦！返緊工都喊咗出嚟，哈哈！恭喜，哥哥我愛你哋！）

{{hket:inline-image name="271138376_458477509182694_1146048458651464940_n.jpg"}}{{/hket:inline-image}}

搣甩星二代標籤｜姜麗文爆秦沛喺女婿面前擺款 「爸爸要用其他方法大吓佢！」【下一頁】

撰文：林惠珊