鄭秀文做「寄養家庭」學習放手 愛不是擁有：貓咪豐富了我的生命

鄭秀文（Sammi）喺踏入2022年嘅時候同大家分享自己喺2021年嘅夏天開始成為「暫託貓咪家庭」，至今佢已經照顧過好幾隻待領養嘅貓貓。Sammi曾分享做暫託貓咪義工嘅心情，希望能有更多家庭嘗試做暫托服務，佢指生命從此多咗一份使命，感覺滿足，而且仲決心繼續做暫托服務。

同場加映：林峯與張馨月幼稚爭執成情趣 工作動力源自女兒一聲「爸爸」

{{hket:ul-video id="5309"}}{{/hket:ul-video}}

{{hket:inline-image name="3.jpg"}}{{/hket:inline-image}}

據知，Sammi家中每次最多只可以有兩隻暫託貓貓，而家中其中一隻小黃貓終於有人領養每次暫託，Sammi今日post出一條短片，片中佢唱住梁詠琪嘅歌曲《嫌棄》，小黃貓麼麼就一直坐喺佢膊上相伴，Sammi留言：「每次暫託，都是一次學習放手。這隻麼麼(乳名），最叫我不捨。很黏人，很信任人類的小貓。Mi好喜歡跟他彼此相伴。並不容易哭泣的Mi，因為太過不捨，有一個深夜也忍不住緊緊抱着「麼麼」直直流下眼淚。他靜靜地看著我一直哭，似在告訴我：不要哭，我知道你很疼愛我。眼涙是因為愛。是愛。今天知道「麼麼」被有心人領養了，有了一個永久的家庭。Mi很感動。縱使我內心仍是那麼不捨…….不捨。但我提醒自己的初衷，不是擁有牠們，乃是在遇上的過程——儘心照顧牠們。」Mi仲話愛有更高階的方式就係祝福。

不過原來Mi已經收拾心情，尋日佢已經接咗另一隻貓貓返屋企，繼續將佢嘅愛畀其他未有人養嘅貓貓，Mi留言：「今天除了天凍，心情亦有點緊張。去接新貓咪。每一隻貓咪都帶給我不同的學習。#邊做邊學累積經驗#疫情當下取過貓咪也九秒九返屋企。」Mi話今次嘅貓貓比較大隻，佢之前暫養嘅都係幼貓，所以佢都好緊張，而且家中原有嘅貓咪Mike都要適應又多咗個新伙伴。

唔少人都大讚Sammi有愛心，話齋睇字都感動到起雞皮呀，仲話好想做貓咪，有Sammi呢個咁偉大嘅媽咪！不過Sammi就完全冇當自己嘅付出係啲咩，留言:「是貓咪豐富了我的生命，使我生命更有意義。」

圖片來源：Instagram