葉璇驚變外星大眼成「網紅臉」 卿本佳人具古典美氣質六叔睇好

前「國際中華小姐」冠軍葉璇近年專注喺內地發展，除咗佢揞名爆娛圈「八卦」，同佢嘅傳奇感情生活之外，葉璇嘅外表都不時引起討論，而最近佢嘅自拍照就又再成為焦點。

葉璇近年不時被指身形嚴重發福同臉型圓潤，就好似生完小朋友咁，而之更加有人翻出佢素顏舊照，唔少網民都話冇開濾鏡就唔認得佢。唔知係咪因為咁，近日佢嘅自拍照就有少少「走火入魔」，葉璇一雙眼大到好似外星人咁，臉頰蘋果肌相當明顯，而且下巴尖到拮手，臉色紅潤，心情大好留言：「出差的心情歡樂多」。

{{hket:inline-image name="u.jpg"}}{{/hket:inline-image}}

雖然自拍照「完美無瑕」，不過就同成日見到嘅「網紅臉」一樣，冇晒個人特色。葉璇曾經表示整容只要唔好傷害到身體佢都係抱持開放態度，不過而家嘅P圖app實在太先進，真係唔知葉璇係真人做咗手腳定係因為濾鏡修飾關係，遮蓋咗佢原本美貌。

葉璇除咗係華姐冠軍，當年仲勇奪「最具古典美態獎」，之後獲「影視大亨」邵逸夫欽點加入TVB（無綫電視）開始演藝之路。葉璇好快就擔正做女一，佢長相大氣具有氣質，每個古裝造型都駕馭得了，參與的古裝劇有《再生緣》、《雲海玉弓緣》、《西廂奇緣》等，驚艷得令觀眾難以忘懷。

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】