李彩華爆有富豪求婚天價「贖身」 承認與楊茜堯朝夕相對冇兩咀

現年38歲嘅李彩華（Rain）係較早去中國發展嘅香港藝人，喺當地早已有一定人氣，早前佢自爆有一名富二代喺佢喺內地剛剛冒起嘅時候想娶佢過門，不過就要佢退出娛樂圈，更提出畀一億佢當係賠償。

同場加映：林峯與張馨月幼稚爭執成情趣 工作動力源自女兒一聲「爸爸」

{{hket:ul-video id="5309"}}{{/hket:ul-video}}

Rain喺《家族榮耀》中與楊茜堯大鬥法上演豪門恩怨，現實中佢都試過幾次可以嫁個有錢人，不過Rain一啲都唔稀罕。2010年Rain喺內地拍完《回家的誘惑》聲名大噪，曾有一名內地富二代提出一億「贖身」，要佢退出娛圈，全因男方家人唔想未來新抱拋頭露面，Rain話：「有個屋企做煤炭生意嘅富二代狂追我，出嚟食過幾次飯，佢就叫我唔好做呢行，不如嫁畀佢好過，話佢父母唔會批准我繼續做演員，跟住就話可以畀一億我做補償，而家我身家都唔止啦！」

{{hket:inline-image name="128251949_381389546275221_8388299945994339236_n.jpg"}}{{/hket:inline-image}}

事後Rain知道呢名富二代娶咗另一名圈中人，但不久就離婚收場。Rain表示好細個已經出嚟社會工作養家，所以要靠人供養會好冇安全感，幸好佢投資有道，搵到錢就買樓保值，現時手頭上嘅物業已過億元，保守估計身家接近2億元。目前Rain移居上海，租住一個在黃金地段月租逾10萬嘅千呎豪宅。

Rain喺《家族榮耀》中同楊茜堯鬥個你死我活，之前有傳人佢哋喺片場幾乎互當透明，完劇之後各散東西。Rain承認同楊茜堯話題唔多，不過相處絕對冇問題，「茜堯性格唔會話好熱情，我都係同樣類型，對住熟嘅朋友會好多嘢講，可能戲入面我哋又對立，所以拍之前埋位之前都會少啲交流，私底下對方係好好人。」