被斷絕母子關係丨梅啟明反斥梅媽收利益被唆擺 鬧市見記者狂咳引警察關切

現年98歲嘅已故天后梅艷芳媽媽梅覃美金昨日登報與大仔梅啟明脫離母子關係，今日梅啟明約記者在北角城市花園的一處空地見面，反斥梅媽疑收受利益受到唆擺而反口。近30名傳媒到場，場面墟冚，由於疫情嚴重和限聚令的關係，後來警方到場向保安員了解關切，了解完畢就離開。梅啟明戴上口罩，不過訪問過程中不斷咳嗽，他形容自己「得番半條命」、「琴晚差啲嘔血」，被問有否睇醫生，他表示不需要，亦稱自己已打齊三針新冠肺炎疫苗不擔心。

同場加映：After Class聲夢四小花感情好零拗撬 與COLLAR風格各異望互相學習

{{hket:ul-video id="5280"}}{{/hket:ul-video}}

梅艷芳母登報與梅啟明斷絕關係 「此後一切華洋轇轕均與本人無關」【下一頁】

{{hket:inline-image name="b7b6d6e1-a824-4065-8083-9d9e1e49be83.jpg"}}{{/hket:inline-image}}

{{hket:inline-image name="7ab205fa-a5a7-4751-a1b3-826426e20b09.jpg"}}{{/hket:inline-image}}

{{hket:inline-image name="800_24199cebee08f9c6c70fa769b5e970a8saasftp20200221.jpg"}}{{/hket:inline-image}}

梅啟明甫開口就提到被「斷絕關係」一事，他說：「點解媽媽同我搞脫離關係，其一，大家都清楚係電影公司版權同商標問題，某情況之下，媽媽係咪收咗人錢我唔知，但老人家唔好怪佢，佢眼又矇、耳又聾，被人擺佈！我都想搞清楚呢樣嘢，如果電影公司有心去傾或處理，應該知會我！媽媽90幾歲人，受人唆擺或者被人誤導，佢完全唔知呀喎！」提到提告一事，梅啟明指決定告上法庭之前是得到梅媽的同意，「嗌我撤銷？我咪撤銷囉冇問題呀，但佢嗌撤銷之前，係佢嗌我入紙呀喎，我先行呢步棋！行咗，你話取消，唔係話食嘢咁，食完可以吐咗佢，問題就喺呢度，就係導火線令佢就同我脫離關係，佢驚法律同官司問題！如果冇受人利益唔使驚吖，告上法庭都係我問題，同佢無關呀！佢冇法律責任呀，我問過佢，佢話冇收利益我先告！」

梅啟明表示自己堅持這場商標官司一定會打落去，就算賠償金只有1元都要打，「佢哋違約就一定呀啦，唔係我註冊個商標嚟做乜？電影公司要向公眾交代，呢個係我原則！（你冇錢點告？）呢個係另一問題，冇錢有冇錢嘅告法！冇錢咪個個都死得冤枉不明不白？法律係咪公正呀先？」

告《梅艷芳》電影侵犯商標│梅啟明懶理梅媽斷絕關係照提告 「我做嘢使唔使同大家交代？」【下一頁】

梅啟明隔後向記者展現多份法律文件，他透露自己有多宗官司在身，正在追「租霸」幾十萬的賠償，由於官司較多，所以才向梅媽借錢周轉，老人家不肯借錢，所以他才有債務在身，問到金額多少，梅啟明說：「有限錢，十萬以下！」問到會否跟梅媽媽好好傾吓商量？梅啟明說：「無論點都好，你都要放鬆佢！佢100歲都嚟緊，仲有啲中氣，搞咁多嘢做乜？我又得番半條命，琴晚嘔血咁濟，我好唔舒服，（你有冇做快速測試？）我三支針打晒！」

梅啟明透露梅媽媽正在聖保祿醫院留院，否認被他激到入院，稱她只是逃避，「我打畀佢佢唔聽，老人家容易受人擺佈，擺佈佢嘅人多的是！（覺得梅媽收利益之後縮沙？）可以咁講！（有冇證據？）有證據我就拎埋出嚟啦！但如果冇咁嘅情況（收利益），點解叫我唔好告呢？唔係唔聽阿媽話，人要正，你行曲唔通我要跟你行，阿媽又點啫？阿媽生我係一件事，要我條命係另一件事，（媽幫你好多年？）媽係有幫我，但我唔感恩，一啲都唔感恩！（每個月都有供養你？）佢一個月收25萬，我先得2萬，唔係嫌少唔少問題，而家都唔多講，過咗咁耐。（媽話你貪財？）要貪一早貪咗啦！個個月貪你嗰2萬蚊？2萬做得啲乜？你估我冇做嘢，地盤、裝修、炒鑊我一路都做緊冇停過！」

梅啟明被問到是否「包二奶」導致財政失衡？他表示：「包二奶呢件事，大家太敏感，根本唔係呢回事，我唔夠開支，人哋幫我，唔係我畀錢人，點叫包二奶呢？係女朋友！」他重申人要行得正，被指「包二奶」不見其正，他激動說：「呢啲人人都有啦！我哋冇離婚，但有女朋友，佢嗌離婚我都冇所謂！（影響小朋友？）冇嘢喎，完全冇問題！」梅啟明瘋狂咳，傳媒立即彈開，他拿出紙巾清潔，問到是否生病？梅啟明激動說：「我唔想睇醫生，我想死啫而家！我死嘅原因係證明畀阿媽睇，我做嘅係冇錯，要歪曲我就唔得！（修補關係？）我冇所謂，有邊個唔想？」後來警察到場就匆匆完結訪問。
 

{{hket:inline-image name="0abdc405-07e1-4db5-8376-853cce0bee5a.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

採訪：倪小珊
攝影：林良明
責任編輯：楊安莉

{{hket:inline-image name="yyy.jpg"}}{{/hket:inline-image}}

{{hket:inline-image name="yy.jpg"}}{{/hket:inline-image}}

{{hket:inline-image name="y.jpg"}}{{/hket:inline-image}}