楊秀惠秘密懷孕突然宣布誕牛B 長肚唔肥人隔兩年再「驚喜」產女

現年37歲嘅楊秀惠今日突然宣布誕下第二胎！楊秀惠表示BB係喺農曆新年前已經出世，換言之即係趕做最後嘅牛BB。

同場加映：After Class聲夢四小花感情好零拗撬 與COLLAR風格各異望互相學習

{{hket:ul-video id="5280"}}{{/hket:ul-video}}

楊秀惠分享咗一張相，相中爸爸嘅大手輕托著楊秀惠嘅手，楊秀惠嘅手又包住大女嘅小手，大女嘅小手又扶住妹妹嘅BB手，非常溫馨，楊秀惠留言︰「非常開心，在農曆新年來臨前，我們家裡增添了一位新成員，一家三口變成了一家四口。雖然非常忙碌，但我們全家人都非常開心和興奮小妺妹的到來。見到姐姐非常疼愛妹妹，主動抱抱&錫錫妹妹，就感到無比的開心和感恩，祝大家新一年身體健康，心想事成，一家平平安安，情人節快樂。」

{{hket:inline-image name="273078213_1360034174418805_8623382003479134504_n.jpg"}}{{/hket:inline-image}}

秀惠接受《晴報》訪問時難掩喜悅：「BB重6.8磅，生產好順利，BB年初一返屋企，可以感受到農曆新年氣氛；家姐好錫妹妹、見到她好鍾意妹妹，自己都好開心。（這段時間疫情期間有冇特別措施？）疫情期間樣樣都好小心，除咗去醫院之外，邊度都冇去，生產兩個月前，到而家都冇出過街！」

對於好姊妹秘密誕下B女，陳茵媺回應：「我為秀惠感到好開心，希望可以快啲探望佢同埋BB女，不過呢家新冠肺炎疫情嚴重，待疫情減退後比較安全。」

其實楊秀惠都唔係第一次咁「密實」，2019年，楊秀惠與圈外人葉世揚秘婚。2020年4月，佢喺馬來西亞透過社交網站宣布已誕下女兒。楊秀惠最近一直有密密更新IG，睇相完全睇唔出佢懷孕，非常纖瘦，保密功夫做到足！