廿年一遇︳陳冠希巔峰時期零死角五官封神 魏浚笙被讚有得揮：係爭一樣嘢

魏浚笙 （Jeffrey）自參加ViuTV節目《調教你男友》後就火速爆紅，佢長情專一形象都深入人心，加上佢喺《膠戰》內展現其「中二病」可愛性格，不過咩都係假，所謂「靚仔即正義」，Jeffrey成為新一代男神都同佢俊俏外表有莫大關係，更被封為「翻版陳冠希」。

同場加映：人間飄浮︳黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

Jeffrey顏值極高，再加埋怕怕醜醜，形象正面。17歲時被模特兒公司睇中，獲邀去試鏡拍廣告，之後半隻腳入行做模特兒。佢又不時會喺YouTube上拍片分享襯衫同化妝技巧，後來更拍攝ViuTV節目《調教你男友》令佢人氣大增。不過，當時佢仲係學生，亦只有22歲，雖然對幕前演出有興趣，但仍答應家人完成香港公開大學工商管理課程後先正式出道。

{{hket:inline-image name="p57567dd642bdb.jpg"}}{{/hket:inline-image}}

Jeffrey擁有荷蘭同印尼血統，遺傳媽媽標緻樣貌，基因強大。Jeffrey曾自爆兒時喜歡食甜食、零食及「垃圾食物」，直到中學時才因長高而瘦起來。後來又因為拍拖體重再度增加，高峰期更達190磅。當時他身體都變弱又起「風癩」，結果輕咗幾公斤，佢發現變瘦後上鏡好睇啲，因而下定決心瘦身。

Jeffrey奉行16/8 飲食法，同時努力做運動，維持一年就成功減走30磅。不過持續節食加上做劇烈運動令身體虛弱，佢都唔建議大家用呢個方法減肥。現時佢為咗維持體重都會控制自己飲食，每天都會喝齋啡幫助消腫和增加血液環，堅持勤力做運動，令體重保持在68kg。

Jeffrey除咗外表俊俏，對女友仲深情專一。Jeffrey用咗兩個月追求比佢年長4歲嘅女友陳芷欣（Evelyn），由於二人年紀有差距，起初這對姊弟戀花了逾半年才逐漸穩定，Jeffrey對愛情非常認真，覺得同女友日對夜對唔會悶，反指只要工作後見到女朋友就會開心，仲曾經多次表示希望可以盡早結婚。

雖然Jeffrey嘅Package近乎完美，不過唔少網民都認為佢唔夠巔峰時期嘅陳冠希吸引：「男人唔壞女人唔愛。」、「希哥嗰陣嘅壞男孩氣質都係Jeffrey無嘅。」、「陳冠希靚仔得嚟cool，Jeffrey有啲傻氣。」不過都當然有人唁認同：「而家係興呢type男仔，太Man反而唔得。」、「最紅嗰啲姜濤都係行可愛路線。」