85歲謝賢超不離頭笑到四萬咁口 謝霆鋒謝婷婷冇影由佢「盡孝」

現年85歲謝賢（四哥）同狄波拉仲係夫妻嘅時候，每年都會「孖住」阿仔謝霆鋒、阿女謝婷婷影賀年照，好不溫馨。近年謝霆鋒主力喺內地發展事業，頻頻出鏡兼活躍於社交平台，不過對家庭以及感情生活幾乎隻字不提，佢嘅妹妹謝婷婷2019年誕女，現時喺溫哥華定居；一家四人「合體」嘅機會可以話係少之又少。

同場加映：閃電傳真機丨張沅薇趁兩個仔長大復出幕前 常被認出最愛聽到：細細個就睇你

{{hket:ul-video id="5201"}}{{/hket:ul-video}}

{{hket:inline-image name="14288176_678207375677967_1350821538_n.jpg"}}{{/hket:inline-image}}

未有再婚嘅四哥相識滿天下，今個新年不愁寂寞，早前有蘇施黃上門拜年，呢日又有睇落大纜都扯唔埋嘅後輩佘詩曼去到佢家中拜年敘舊。睇番紀錄，原來二人2017年合作拍攝劇集《賭城群英會》，相信就係喺當時結緣嘞！

阿佘一身紅色賀年打扮，搭住四哥膊頭，二人笑容燦爛，阿佘留言：「開飯喇！#笑到四萬咁口」，相中見餐枱上有多款餸菜，非常豐富，黑超不離頭嘅四哥露出佢嘅招牌笑容，精神飽滿，依然有型有款，狀態極好。近年曾屢傳四哥身體抱恙，如今見到佢咁精神大家都放心晒，網民大讚阿佘每年都同四哥拜年，非常有心，而身在外地嘅謝婷婷就人唔到like到，留下心心emoji畀阿佘，答謝佢幫手盡「孝道」。

撰文：黃蘊姿