32歲賴弘國「帽子戲法」默認再婚 與阿嬌離婚後曾揚言終生不再娶

今日消息傳出指阿嬌鍾欣潼嘅32歲前夫賴弘國於初一向現時女朋友求婚成功，有指女方更加已經懷孕，如果事件屬實賴弘國即係大演「帽子戲法」，未夠40歲就經歷三段婚姻，真係唔簡單！

同場加映 聲夢傳奇丨After Class四小花畫老虎應節 炎明熹難忘鄉下放炮仗 姚焯菲最愛食

{{hket:ul-video id="5208"}}{{/hket:ul-video}}

{{hket:inline-image name="117214069_3150228788417417_421511965152172798_n.jpg"}}{{/hket:inline-image}}

事件爆出係因為賴弘國嘅新歡Alice喺社交平台大曬疑似係男方送嘅卡地亞求婚戒指盒，並留言：「WOO！ Yes,I do. 從沒想過堅持不婚不生的我，也要邁向幸福的家庭生活了！30歲真奇妙，哇。」提到「不婚不生」及「家庭生活」兩詞，推測佢哋係奉子成婚！據知呢一日仲係Alice嘅生日，賴弘國同佢慶祝生日時順勢拿出鑽戒求婚，當年賴弘國都係為阿嬌慶祝37歲生日兼求婚，仲唔到佢今日「重操故技」。賴弘國本人冇正面回覆傳媒，似乎係默認將會再婚：「目前有穩定的對象，祝大家新年快樂！」

Alice與賴弘國的第一任妻子一樣曾任職空姐，現已轉做文職，去年賴弘國與阿嬌（鍾欣潼）離婚消息傳出後三個月，賴弘國亦曾於IG上分享與家人七夕聚餐時嘅合照，Alice當時都有入鏡，不過就被遮樣，賴弘國今次戀情低調處理。

2018年喺美國同香港搞咗兩個盛大嘅婚禮閃嫁台灣「醫界王陽明」賴弘國，佢哋喺人前人後都表現得非常幸福，更不時表示正努力「造人」，但不料婚姻僅維持14個月，事後飽受情傷嘅賴弘國曾向朋友揚言唔會再娶。

撰文：黃蘊姿