林峯帶張馨月香港捐窿捐罅搵食 做隱形人同老婆合照都要遮遮掩掩？

近年主力在內地發展的林峯，近日帶埋老婆張馨月同囡囡一齊返香港，一有時間就帶張馨月喺香港捐窿捐罅搵食。林峯一向都比較低調，好少喺社交平台曬恩愛，不過太太張馨月就不時會同大家分享。雖然二人已結婚多時，但仍然有唔少haters會喺張馨月社交平台惡意留言。見張馨月所有相林峯都只係做鏡頭後嘅男人，冇出鏡，唔通係為咗避呢班haters？

{{hket:inline-image name="nsVfxgwsEohUDtTDfplBpB-OXRs4pc1tqOF2FqjhdhY.jpg"}}{{/hket:inline-image}}

同場加映：聲夢傳奇丨After Class四小花畫老虎應節 炎明熹難忘鄉下放炮仗 姚焯菲最愛食

{{hket:ul-video id="5208"}}{{/hket:ul-video}}

林峯帶老婆去搵香港隱世美食，張馨月上載咗一段短片，留言：「空閑的我們就喜歡到處找好吃的，被我們找到一家小店，嘗了忌廉咖喱烏冬麵，還點了一份溫泉蛋牛肉飯。至於地址，等開完通宵班的峰哥睡醒了，我問下，評論區裡給你們。」睇嚟林峯真係忙到甩褲都冇唔記得要𠱁老婆開心，非常sweet呀！

片中雖然林峯全程都未有露面，但就聽到佢同張馨月嘅對話，片中張馨月一臉滿足又幸福，林峯就講：「我們兩個拍拖來吃飯是對的。」有網民問點解林峯唔出鏡，張馨月就表示係因為老公工作關係：「是因為他的髮型（電影造型）不能出鏡。」其實之前張馨月都曾Post出同林峯一齊行日式超市嘅合照，不過都一樣係遮住老公個髮型，相當神秘！ 

圖片來源：微博