管家王 ︳陳年廚房吊櫃新年前整個塌下 專家拆解成因+冧櫃先兆

吊櫃安裝不當隨時冧！一位屋主指廚房有使用十多年吊櫃，近日突然整個塌下，由於天花曾經滲水，懷疑是冧櫃成因。不過有資深驗樓師認為，滲水未必是主因，拆解背後成因及吊櫃倒塌的常見先兆。

同場加映：

管家王 ︳海味達人教揀靚金蠔+乾瑤柱 推介一款食材補腎強肺

{{hket:ul-video id="5150"}}{{/hket:ul-video}}

該名網民在Facebook群組「家居裝修設計分享Group」發帖，指本來打算農曆新年後全屋大裝修，並且更換所有傢俬，未料日前廚房內的吊櫃突然倒塌，壓中鋅盆及枱面，所幸無人受傷。鑑於新年假期將至，事主希望盡快換櫃，遂在網上發帖請教：「請問邊度可以買到靚櫥櫃？最好呢兩日送貨跟住安裝埋。」

（↓點擊圖片放大↓）

從照片可見，原本被吊櫃遮蓋的天花有一片啡色水漬和霉漬，估計天花有滲水問題，櫃頂亦隱約可見發霉痕跡，而牆身上則遺有6枚膠塞螺絲。

事主指，清理現場後表示牆身並無異樣，但天花板早前曾經漏水，已經剷底批灰修理過一次，但吊櫃上方位置則沒有處理，不排除倒塌原因與此有關。至於其家人則認為吊櫃使用十多年後出現老化，引致意外。

網民：最緊要人冇事

許多網民都慶幸事主一家並未在意外中受傷，又指大部分傢俬廠已經收爐，新年期間難以購置新櫃，有人則認為吊櫃使用的螺絲太少、無用拉爆螺絲為事故主因，但亦有人認為吊櫃上的天花板明顯有滲水問題，推斷吊櫃因受潮發霉導致腐爛，建議事主應該先解決滲水問題。

（↓點擊圖片放大↓）

詹Sir：螺絲承重力不足

資深驗樓師詹濟南（詹Sir）接受《晴報》訪問時表示，從照片中推斷安裝師傅當只使用了6枚膠塞鋼牙螺絲固定背板，認為吊櫃倒塌與其承受力不足有關，與滲水未必有直接關係。

詹Sir解釋，膠塞鋼牙螺絲只得15公斤負重力，但吊櫃本身亦重達十多公斤，再加上盛載的物件，螺絲恐怕未能承整個吊櫃的重量，當背板弱時便容易倒塌。

除了螺絲承重力不足之外，他早前受訪時亦曾指出，吊櫃倒塌有3大常見原因：

1. 一邊櫃身無裝螺絲

吊櫃安裝可以有不同安裝方法，如果有一半櫃身安裝在板間牆上，該一側有機會不裝螺絲，但另一側必須使用承重力更大、更多的螺絲支撐。

2. 鑽孔後未有清除洞內塵埃

吊櫃上牆前鑽螺絲孔後，如孔內留有塵埃，也會減低螺絲磨擦力，從而減弱承重力。

3. 鑽孔太大

詹Sir指出，部分工人貪方會鑽較大的螺絲孔，讓膠塞更容易塞入，但會令承重力大大減低，相當危險。

吊櫃倒塌有先兆？

至於吊櫃倒塌有何先兆，詹Sir指倒塌前一般都是櫃身上方先鬆脫，並出現隙縫，不過如只使用膠塞螺絲，也會出現沒有先兆「一嘢冧晒的情況」。

宜用爆炸螺絲

詹Sir表示，螺絲的使用數量應視乎吊櫃重量，並建議最好選用爆炸螺絲。一般五金舖出售的爆炸螺絲估計可承重約50至100公斤，質素較好的會標明數據，甚至可承重近1噸，「如果用夠力的爆炸螺絲，4粒就夠」。

不過，假如間隔牆是中空便不適宜用爆炸螺絲，可選用膠塞螺絲。以1枚膠塞螺絲載重15公斤計算，假如吊櫃本身重達十多公斤，再加上櫃內物件，總重超過100公斤，至少要用8枚膠塞螺絲。

9大因素影響吊櫃安全

（↓點擊圖片放大↓）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】