陳雅倫55歲風韻猶存成「中佬殺手」 疑被鹹豬手猛男自發築人牆保護

藝人陳雅倫（Ellen）自出道以嚟都係性感嘅icon，係唔少男士心目中嘅女神，已經踏入55歲嘅佢風韻猶存，keep得相當好！近年陳雅倫主力在內地發展，甚少喺香港露面，日前佢獲邀到杭州為一個晚宴擔任嘉賓，身穿黑色低胸長裙嘅佢依然係「中佬殺手」，一邊唱歌一邊派海報時引來在場男士簇擁瘋搶，更出現鹹豬手疑雲！

同場加映：兄弟送驚喜爆男兒淚丨黃耀煌感激張國強點醒放棄轉行 靜待突破：我想成為家人嘅驕傲

{{hket:ul-video id="5149"}}{{/hket:ul-video}}

{{hket:inline-image name="69c83d09gy1gygij5ug39j20u011ogzj.jpg"}}{{/hket:inline-image}}

陳雅倫於微博分享咗當日情況嘅短片同相片，見現場氣氛非常熱烈，佢喺台上歌唱嘅時候一邊派海報，不過眼見台上只有一位保安，顧得個車頭又顧唔到個尾，在場男士不斷湧上台，伸手希望拎到海報；有一位男士仲衝埋上台，雖然冇做啲咩，但瘋狂場面睇到都覺得危險！

之後陳雅倫一落台即被大批中佬圍住，佢貼出嘅其中一張相中更見到一名男士嘅手似乎喺陳雅倫胸前「唔規矩」！不過見陳雅倫全程面帶笑容，唔似有不愉快事情發生，有粉絲都擔心，留言：「感覺有男的偷摸你。」不過陳雅倫就回覆「沒有沒有」；佢之後再出post多謝客戶，又指自己當晚好感動：「當天所有來賓都非常熱情，配合度甚高， 粉絲們全場歡笑聲歡呼聲不斷，熱鬧的不得了。當保安都不能維持秩序的時候，他們竟自發性地手挽手造成人牆在台邊保護我，讓我非常感動。」

圖片來源：微博

{{hket:inline-image name="Whats.jpeg"}}{{/hket:inline-image}}

{{hket:inline-image name="WhatsAp.jpeg"}}{{/hket:inline-image}}

{{hket:inline-image name="Wh.jpeg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

撰文：黃蘊姿