家族榮耀｜李彩華化妝師太重手上鏡都出事 似泰國ladyboy網民評：素顏更美

由梁家樹監製嘅劇集《家族榮耀》現正熱播，由一眾香港班底演員張智霖、熊黛林、黃浩然、羅子溢、楊茜堯及李彩華（Rain）主演，劇集自開播以嚟大獲好評。除咗羅子溢同楊茜堯「換妻換夫」成為焦點之外，隨住楊茜堯的角色開始「黑化」，原本被認為係最大反派嘅李彩華反而開始漸漸「白化」，有網民仲估佢先係真正嘅終極女主角。除了劇情發展出乎意料，就連李彩華嘅妝容都令大家有少少嚇到。

同場加映：未習慣成名丨COLLAR挑戰變臉時酷時Cute 零偶包互相爆料 邊個係素顏之最？

{{hket:ul-video id="5114"}}{{/hket:ul-video}}

{{hket:inline-image name="3.jpg"}}{{/hket:inline-image}}

現年38歲嘅李彩華（Rain）早年已打入內地市場，2011年憑劇集《回家的誘惑》飾演小三艾莉入屋，一直都keep得唔錯嘅佢喺內地紅足10年被捧為女神。不過日前《家族榮耀》嘅兩場戲佢就完全破功！劇中李彩華因流產入院，甦醒後知道失去腹中骨肉表現激動，加上「流產妝」面青口唇白，逼真到有啲嚇人呀！女星肯以呢個樣出鏡可以話係豁出去。

除咗流產妝，李彩華喺劇中其他妝容亦成為網民熱話，其中一幕佢嘅妝容非常厚，鼻影非常重手，直頭好似戴咗個面具咁，網民留言都問佢係咪得罪化妝師：「好像戴了假面具」、「是不是得罪了化妝師」、「這不是化妝，是畫皮」、「好像泰國的Ladyboy」、「男扮女裝嗎？」大家更翻出佢之前post過嘅相片，指佢係少有素顏比化妝更加靚嘅女星，叫李彩華多啲以淡妝示人呀！

圖片來源：《家族榮耀》截圖

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】