袁詠儀「以身犯險」深圳做檢疫義工 上月囝囝捲「愛國風波」險被抵制

張智霖（Chilam）同袁詠儀（靚靚）囝囝張慕童（Morton‧魔童）上個月因為喺社交平台同網民講自己唔喺中國，但就配用香港背景相，被質疑「港獨」引發各界議論，更有人表示要抵制Chilam、靚靚喺內地嘅節目同代言產品。隔日靚靚即刻出嚟道歉撲火，指囝囝用英文表達「失言成了誤解」，又表示：「我們一家愛國愛港，支持一個中國，這是毋庸置疑的事實。」

同場加映：原子鏸誕可愛混血BB視家庭為首 媽媽鄭佩佩身體變差見孫仔開心晒

{{hket:ul-video id="5100"}}{{/hket:ul-video}}

{{hket:inline-image name="9-bzpbmBedwoGrMvk_aM1c_7zmO8jqICbDKP12wyj9c.jpg"}}{{/hket:inline-image}}

近日新冠肺炎變種病毒株Omicron喺各地爆發新一波疫情，長期喺內地嘅靚靚日前就被影到「以身犯險」做義工 ，於深圳區幫民眾做核酸檢測。素顏上陣嘅佢非常貼地樸素，一身便服打扮外面穿上一件紅色工作人員背心，驟眼睇同身邊嘅大媽冇咩分別，但只要留心一下，佢就好似漆黑中嘅螢火蟲一樣，咁鮮明，咁出眾，過咗冇耐，就有唔少市民認出靚靚嘞！

據現場工作人員透露，靚靚當日係自己一個到場，冇帶同任何助手，做義工期間全程表現落力，零架子，態度友善又親民。有網民將偶遇靚靚嘅照片、影片放上網曬命，其中一張相佢仲除口罩同其他工作人員合照，素顏嘅佢皮膚睇落非常好，睇落好sharp，不愧係香港小姐冠軍呀！靚靚獲得大批網民留言，一致大讚善心，表示「不再懷疑她是否愛國了」。不過都有人擔心靚靚喺咁高危嘅地方除罩會「中招」，叫佢下次就算影相都要好好保護自己呀！

撰文：黃蘊姿