家長噩夢︳陳柏宇囡囡視像上堂激到阿媽吐血 朱薰仔用zoom上游水堂好Matrix

香港近日疫情復燃，政府11號宣布全港小學及幼稚園於14號或之前暫停面授課堂，需要待家靠Zoom上堂，意味住要家長們再次做「伴讀書僮」。小朋友喺屋企上堂容易分心，難以保持專心，唔係畀窗外風景吸引，就係畀其他娛樂轉移注意力。小朋友坐唔定，最苦惱嘅當然係父母，變得容易失去耐性，甚至暴躁，陳柏宇太太符曉薇就「身受其害」喇！

同場加映：原子鏸誕可愛混血BB視家庭為首 媽媽鄭佩佩身體變差見孫仔開心晒

{{hket:ul-video id="5100"}}{{/hket:ul-video}}

陳柏宇同符曉薇2017年結婚，翌年誕下囡囡Abi，不經不覺Abi已經讀幼稚園，呢日符曉薇陪囡囡上Zoom嘅時候就好勞氣！符曉薇喺IG Story問︰「有冇人睇住小朋友上Zoom會嘔血？」佢「投訴」囡囡上堂期間坐唔定，「瞓喺度、要餅、畫塊Mon、唔聽書，老師叫做咩都唔做。」似乎真係冇晒囡囡乎，佢仲問大家有冇降血壓藥介紹，最終忍唔住爆發，「後尾我忍唔住mute咗聲，話佢兩句，點知佢喊住要爸爸陪佢上堂！」

{{hket:inline-image name="265474983_616146996344861_4851595235608858441_n.jpg"}}{{/hket:inline-image}}

到陳柏宇接手嘅時候，佢就似乎好有辦法𠱁阿女，符曉薇留言︰「啱啱交咗畀我老公接手，我聽到佢唱兒歌仲大聲過個老師。」先至第一日喺屋企上堂，符曉薇就已經心力交瘁，「今日先第一日，仲有好多日……我要保持平常心，小朋友係咁㗎啦！認真便輸了。」家長們真係有苦自己知呀！

講到最特別嘅在家上堂莫過於商台DJ朱薰嘅囝囝，佢用Zoom上游水堂，朱薰留言：「我諗游泳教練都冇諗過游水堂都要變Zoom？各位同學加油，各位老竇老母加油，各位老師加油，游泳教練都要頂住，游乾水再變埋游電子水。」唔少網民見到用Zoom上游水堂都覺得好驚訝，質疑冇得練習好難會學曉，「咁都得？Zoom住學真係學到咩？」有人搞笑咁問，「係咁我哋嘅科技已經進化到好似電影《22世紀殺人網絡》（The Matrix）咁，人腦接駁去電腦可以有真實體感，難以理解呀！」

圖片來源：Instagram

撰文：黃蘊姿

{{hket:inline-image name="Wh.jpeg"}}{{/hket:inline-image}}

{{hket:inline-image name="WhatsA.jpeg"}}{{/hket:inline-image}}

{{hket:inline-image name="Wha.jpeg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】