方力申廁所被兩男大讚性能力強 睇化被當「玩家」：我哋唔係同類人

下月就42歲生日嘅方力申自從同鄧麗欣分手之後就冇再公開拍拖，身為圈中筍盤嘅佢不時開到口講恨拍拖，但可惜一直都未有對象，單身5年嘅佢自認失敗。不過日前佢被影到同一名長髮女子前往祈福，疑似成功脫單。

同場加映： IT狗丨Lokman顛覆IT界毒男形象照鬥廢 笑對與Frankie Stanley被列「下弦」

{{hket:ul-video id="5064"}}{{/hket:ul-video}}

正當大家都為佢高興時，原來只係「食詐糊」，方力申今日（12日）喺社交平台表示收到好多恭賀，留言：「今日有好多人發恭喜我嘅訊息，話我拜得神多真係有神庇佑喎，新一年咁快就搵到位長髮美女。多謝大家關心，佢係我老友嘅太太，我哋只係排排坐，唸唸經，全晚都冇同阿嫂講多過兩句，哈哈！！唔使咁緊張話我有緋聞掛？ #邊有咁多花生食」。

{{hket:inline-image name="271682690_350581826539831_8995375597987750430_n.jpg"}}{{/hket:inline-image}}

女朋友就冇喇，反而呢個世界就有好多男人仰慕小方！小方緊接同大家分享一件「趣事」：「話說早兩日有兩位陌生人同我傾偈講開游水，佢哋知道我之前嘅慈善環島泳，跟住我話我有keep練水，最近先一口氣游咗10公里添，大家合照之後，我去咗廁所，十分鐘左右，兩位先生入咗嚟廁所，佢哋當然唔知道我其實都喺度。」

喺茶水間、廁所講人是非平時睇戲就睇得多，小方今次就真係遇到，兩男大講特講：「『10公里喎，香港到尖沙咀再返轉頭都唔知要游幾多次喇，真係勁』、『係囉，體能又好又靚仔仲要識得講嘢，一定大把女啦！』、『咪就係，仲要唔結婚喎，佢一定食唔少，不過有樣嘢佢一定唔使食，就係偉哥喇，體能好又大大隻隻咁！』」

{{hket:inline-image name="271571399_1931925200523835_3221101019398787908_n.jpg"}}{{/hket:inline-image}}

小方話自己冇出去澄清或者阻止，佢指自己以前會好介意人哋誤解佢為人，不過而家佢終於明白當中嘅原因：「我哋唔係同一類人或者唔係同一類諗法嘅人。好似我好鍾意食肉，同一個食素嘅人講：『你呢幾年轉咗食素？餐餐食素？我唔信，有偷食過少少肉嘅！一定有！喂，以前你無肉不歡㗎喎，我打死都唔信你冇！』因為我同佢唔係同類人，諗法唔一樣，又或者我根本做唔到，唔可以食素，所以我咪唔信佢囉。」小方仲安慰大家日後如果遇到相似嘅情況都唔使再唔開心，非常正面！

唔少人睇完都笑小方其實係曬緊命，仲大讚佢係男人中嘅XO，而嗰兩位人兄都只係欣賞佢，不過表達得比較露骨咁解，網民留言:「其實我諗佢哋只係唔好意思正面讚你體能好同靚仔」、「睇完成段字，佢哋點樣都係喺背後羨慕緊你同埋讚緊你喎。」、「睇嚟你係男人偶像！」都有人力撐小方，相信佢唔會周圍「食女」，「啲人成日話你個人花心玩女，但我又覺得如果你係，就唔會同Stephy（鄧麗欣）拍咁耐拖啦，Support U Alex！」小方都表現認同，回覆:「咪就係！」

撰文：黃蘊姿
 

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】