異搜店丨林漪娸爆喊向何廣沛坦白亡夫死因 錦鯉之謎仍未解開 網友估真相係...

劇集《異搜店》今個星期進入結局篇，收視一直穩步上揚，上周平均收視為22.3點，其中上周五第十五集更錄得跨平台直播收視25.5點。昨晚一集終於解開韋德信（何廣沛飾）長期昏睡的原因，Joey（陳曉華飾）意外發現原來是阿信的媽媽美嫦（林漪娸飾）和舅父添勝（曹永廉飾）落藥，更跟隨住美嫦到墳場拜祭亡夫，聽到美嫦親口講自己害死亡夫。阿信難以忍受終於爆發，美嫦爆喊向囝囝坦白一切，指自己誤會丈夫有外遇，不斷自責...不過過程中並沒有提到丈夫真正死因。

同場加映：異搜店丨林漪娸凍齡襟睇敢以素顏演阿媽 「演戲好開心 唔介意做綠葉」

{{hket:ul-video id="5056"}}{{/hket:ul-video}}

《異搜店》成告別作︳73歲于洋去年9月第三度離開TVB 孖正版「萬朱莎華」拍網劇【下一頁】

{{hket:inline-image name="BC.JPG"}}{{/hket:inline-image}}

{{hket:inline-image name="06.JPG"}}{{/hket:inline-image}}

{{hket:inline-image name="chan3.jpg"}}{{/hket:inline-image}}

追看劇集的觀眾都大為緊張，事關雖然看似水落石出，但部分心水清的網民覺得事有蹺蹊，除了美嫦沒有提及亡夫的死因外，更認為美嫦和添勝仍然有不可告人的秘密，網友留言說：「鯉魚個謎都未解開」、「一直冇講玲姐（楊玉梅飾）老公」、「每單都同玲姐有關，唔通玲姐殺咗男主老豆（竇）」、「阿信累死阿爸，佢阿媽唔想個仔自責就話係自己害死？」、「間舖係棠哥（李成昌飾）燒嘅？」、「信媽成日吸塵有可疑」、「阿信搞到火燭害死自己阿爸？」等等。

想不到觀眾猜想殺父兇手是何廣沛，不過他飾演的阿信對於亡父的回憶完全失去，似乎不是爸爸自殺離世咁簡單，加上美嫦和添勝竟然落藥令阿信不斷昏睡，相信背後真正的故事會更耐人尋味。今次何廣沛演出為觀眾帶來驚喜，網民大讚演技有進步：「其實做得好好，扮傻仔入型入格，真係想打佢」、「何廣沛有進步，有留意聲線，頭先發火都冇以前咁尖聲」。

異搜店丨首集播出帶靈異Feel有新鮮感 麥秋成演二世祖穿櫃桶底未夠衰【下一頁】

對於網民正評，何廣沛接受訪問時笑謂：「我都有留意討論區嘅Feedback，見到有唔少肯定我會多番啲信心。呢部劇正如觀眾所見，有好多好好戲嘅綠葉，喺呢個陣容下，我同陳曉華相對地可以放鬆啲，因為只要跟住前輩個flow，佢哋就會帶到我哋有進步。噚晚場戲，漪娸姐好好戲，所以帶動咗我好多。」

與漪娸姐有大量對手戲的廣沛，坦言劇外都覺得對方很有「媽咪感」：「漪娸姐劇內劇外對我都好似媽咪咁，佢好有耐性，鏡頭以外亦都好投入媽咪嘅角色，佢會同我分享佢帶嚟嘅生果，喺休息時間一齊食，我覺得休息時間培養關係真係好重要，因為咁樣會令我冇咁緊張，更易代入到母子嘅關係。」

{{hket:inline-image name="chan2.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉

{{hket:inline-image name="af67c90a-3b52-4522-9e3d-e5d0b6987ef3.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d.jpg"}}{{/hket:inline-image}}