黃翠如回歸即搵唐詩詠攬頭攬頸 着鬆身衫腰凸凸粉絲求報喜

現年40歲嘅黃翠如去年8月疑受情緒困擾，一度關閉IG留言功能又出Post講「再見」，搞到大家都非常擔心！不過佢10月北上尋夫，會合佢嘅「電池」老公蕭正楠後，心情已明顯回復開朗，又不時喺IG post兩夫妻恩愛合照放閃。黃翠如留喺內地足足三個月陪老公做嘢，所以都錯過晒TVB嘅頒獎禮同台慶盛事。

同場加映：  IT狗丨Lokman顛覆IT界毒男形象照鬥廢 笑對與Frankie Stanley被列「下弦」

{{hket:ul-video id="5064"}}{{/hket:ul-video}}

{{hket:inline-image name="f963d41f4dc34be2d6172c000759d9ac.jpg"}}{{/hket:inline-image}}

雖然黃翠如樂不思蜀，但佢喺香港嘅朋友同粉絲就好掛住佢，幾乎每次出Post都畀人問幾時返香港。近日佢喺千呼萬喚下終於回歸，仲即刻約見好姊妹唐詩詠。今日（10日）黃翠如喺IG上載咗一條短片，二人似乎一同去咗郊遊，佢留言：「送我出走的那個，總是知道她會支持我的那個，我很愛很愛的那個，我們重聚了，2022，必須好好。」而唐詩詠亦貼出一樣的短片，並開心寫道：「返嚟嘞，你好快啲陪我！」二人喺花園互相擁抱，好似糖黐豆咁攬埋一嚿；唐詩詠更肉緊啜黃翠如面珠，感情真係非常好！

不過有網民留意到黃翠如身穿鬆身短裙，而唐詩詠從後環抱佢時，睇到翠如平日纖細嘅腰肢好似粗咗好多，更有網民留言問佢：「係咪有咗？」唔少人都好期待佢報喜，今次係一個去兩個返。黃翠如同蕭正楠曾講明婚後不設防造人，但結婚三年來都一直冇聲氣，經常被人追問生B計劃。黃翠如一直表明「唔抗拒」，至於蕭正楠表示大家有共識，都希望會發生。據知雙方父母都有啲心急，之前更有傳翠如去醫學美容中心進行中醫針灸通卵巢助孕嘅療程，又勤做「岩盤瑜伽」暖宮調理身子。

撰文：黃蘊姿
 

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】