各位觀眾4條傾丨C君爆Bob私下嘲某男星戴超扮嘢 名字被「嘟」消音但口形太明顯出事

無綫J2台現時由鄭詩君（C君）出任「創意總監」一職，繼早前重搥推出六個新節目後，2022年C君再次節目大「換血」，推出四個全新節目，包括《冇人性教育》、《陀地外國人》、《咔嚓咔嚓》和《世界轉運攻略》。日前，C君率領老友陸永、林盛斌（Bob）和麥美恩（Mayanne）一齊主持J2特備節目《各位觀眾4條傾》，四人齊齊傾大型頒獎禮的趣事，期間不斷爆料，最終要節目組「嘟」聲消音，免去尷尬，不過...

同場加映：青春本我丨文凱婷孫漢霖比賽冤家變緋聞情侶 築夢限期暫定3年望做出佳績

{{hket:ul-video id="5006"}}{{/hket:ul-video}}

C君任J2創意總監初登場險爆粗 推6大節目強調幕前平均年齡25歲【下一頁】

{{hket:inline-image name="live.jpg"}}{{/hket:inline-image}}

{{hket:inline-image name="bcfb6801-814e-45f8-a10e-17d069936539.jpg"}}{{/hket:inline-image}}

{{hket:inline-image name="asdasdad.jpg"}}{{/hket:inline-image}}

事緣C君笑Bob一直好重視自己大合照的企位，頒獎禮綵排又會留意歌手們有沒有戴黑超，C君說：「佢話：『呢個已經唔認得個樣呀啦，仲戴咩黑超...」陸永笑言Bob有本簿仔記低邊位藝人有戴黑超，C君扮Bob：「哦，原來呢個叫XXX！」Bob的意思是該人除眼鏡都未認得是誰，雖然XXX的名字被節目組刻意用「嘟」聲消音，不過C君後來拒絕被Bob拉落水，再一次重申自己認得出XXX，只是Bob不認得對方，當時正是C君的「大頭」鏡頭，嘴形出賣了他，他口中的男歌手正是伍富橋。

農夫以往出席不少頒獎禮，他們笑指以往在某台得獎，Bob沒鼓勵不特止，更指該台得獎等於沒得獎。他們都不斷爆料爆出頒獎禮你看不見的笑料，農夫稱有一年邀請到一個單位到時代廣場倒數表演，該單位在台上不單沒有表演，更對主辦單位講出大堆「肺腑之言」，「當然唔係撐佢嘅說話，全場靜晒，新年倒數萬人空巷，佢講一大段嘢！我唔知佢班工作人員提過佢，佢係好熱血，不過呢股熱血好似係中咗招咁。」

C君任J2創意總監開靈異節目 外判製作公司係ViuTV長期拍檔？【下一頁】

C君說：「我哋年年去好多時都係坐，不停睇人上台攞獎，冇嘢做就頂多同隔籬傾吓偈，但又唔可以太大聲，因為要莊重尊重番個大會。結果嗰個單位冇嘢做到係攞個飯喺度食！」陸永說：「傾吓傾吓一望，嘩，叉雞飯，你望住佢，佢心態係：『乜你冇帶咩？』咁樣！我哋被佢啟發咗嘅！」

{{hket:inline-image name="lon6.jpg"}}{{/hket:inline-image}}

{{hket:inline-image name="LON2.jpg"}}{{/hket:inline-image}}

農夫繼續爆料指同年最爆是影大合照時，「有個人頭四排都冇資格，排到第六行，呢個人慢慢行到去第五行，場務見到就鬧佢叫佢上番第六行，個場務一行開，佢又行落第四行，返嚟再鬧，到真正影大合照時，佢係企喺陳奕迅隔籬，咁先叫做勁！」他們將人名寫在白紙上，Bob和Mayanne都大感驚訝，而陸永則記起一單趣味笑料，他指有次在音樂頒獎禮的綵排舞台，沿路有陣燒焦的黑色物體，一直沿住地面的殘留物追住去睇，「追到去一個歌手隻歌度，佢對鞋融咗喎！佢越行越矮，佢係著好厚嘅鞋，仲要唔係融晒兩隻鞋，搞到高低邊。（著Boot一定係女仔啦？）唔係，仔嚟呀，不過要撈過樂壇先會識，Ｍayanne未必識。」結果陸永一寫人名，Bob忍不住噴水大笑！

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

責任編輯：楊安莉

{{hket:inline-image name="af67c90a-3b52-4522-9e3d-e5d0b6987ef3.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d.jpg"}}{{/hket:inline-image}}