謝安琪加入樂壇17年五度爆肺 呼吸困難胸口鬱痛急入院做手術

44歲嘅謝安琪去年初自組公司「淺白本部」，上年出咗三首自己嘅單曲，不過今年喺《2021年度叱咤樂壇頒獎典禮》食白果，Kay豁達表示：「唔係一定要自己得奬先至開心，成為座上客，投入欣賞，擔當演出者，參與慶賀，一樣盡興。」

同場加映：【叱咤後台訪問】Anson Lo@MIRROR直言被林海峰嚇親 張敬軒票數輸姜濤心服口服

{{hket:ul-video id="5021"}}{{/hket:ul-video}}

正當大家以為佢因為新組公司分身不暇造歌時，佢自爆原來自己身體上年又再「出事」。加入樂壇剛滿17年嘅謝安琪喺IG分享2021年嘅心路歷程，提到自己去年第五度爆肺：「《離不開》的宣傳完結之後，有一天我突然呼吸困難胸口鬱痛，那痛楚像極了我最害怕的『爆肺』。我不敢想像是甚麼但心知不妙，當下立即安排入院檢查，是我人生第五次『爆肺』。做了一個手術，住院一星期，之後休息了一個月。」

{{hket:inline-image name="17f9a576-370c-4ecd-a07f-80b4b6fe65ed.JPG"}}{{/hket:inline-image}}

不過勤力嘅Kay趁呢段休息嘅時間做多咗兩首歌：「休息期間是夏天，我寫了《未見過世面的招積》和《靜夜歌》，之後每一個月的覆診，是真正的「照肺」啊。肺部康復良好，就是其他健康指數一直不好。」真係想像唔到佢一邊經歷住咁嘅狀況一邊創作呀！

Kay今次「因禍得福」，令到自己心態有改變：「我學習專注，專注康復，專注為自己和團隊做最好的安排和決定。不知怎的，這種專注竟然讓我放心下來，慢慢地淡定了。本來處處懷疑和挑剔自己的我，學會和自己做最好的隊友，照顧好自己照顧好團隊。在冬天來臨之前我寫了《團圓說》，2021年感覺很漫長經歷很多，來到是年最後一首歌，我只想和大家在音樂裡團圓。感謝家人朋友培育我成長不辭勞苦，感謝樂迷隊友陪伴我這麼多個寒暑。」

據知謝安琪咁易爆肺係因為天生左肺有小孔會漏氣，首次爆肺後肺部就如計時炸彈，不定時就會有機會再爆。2008年佢老公張繼聰出席活動時就曾透露，老婆當時第4次爆肺，更笑老婆係「爆肺歌手」。唔少歌迷都留言鼓勵，仲有人記起《龍咁威》中，鄭中基扮空姐騙徒賣瑞士山區肺嘅一幕，搞笑留言：「鄭中基幫到你！」

撰文：黃蘊姿

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】