黃曉明「破戒」為員工慶生勁窩心 老司機賣命17年獲贈國產大禮

內地男星黃曉明出咗名係好老闆，日前網上有一條佢為下屬慶祝生日嘅片段流傳，片中佢親手捧住蛋糕「登場」，仲為員工破戒做咗一件事，令網民大讚佢係絕種好男人。

同場加映： 【叱咤後台訪問】Anson Lo@MIRROR直言被林海峰嚇親 張敬軒票數輸姜濤心服口服

{{hket:ul-video id="5021"}}{{/hket:ul-video}}

黃曉明唱住生日歌捧住蛋糕行出嚟，呢位佢咁畀心機製造驚喜嘅對象唔係太太baby，亦唔係其他女仔，而係公司嘅一位老員工。難怪司機劉大爺跟足佢17年都冇打算轉工！劉大爺笑到見牙唔見眼，除咗生日蛋糕，黃曉明仲送贈咗一部國產大牌華為嘅手機畀劉大爺，雖然以佢身家嚟講手機錢唔算係啲咩，但貴就貴在心意。

{{hket:inline-image name="0067aCRwly1gw22keoxdnj33do52ihdy.jpg"}}{{/hket:inline-image}}

藝人時刻都要keep住身形，而黃曉明之前曾經試過畀人話肥腫走樣，所以佢都好小心飲食。大家覺得黃曉明最有心嘅就係正在減肥嘅佢二話不說接過劉大爺切畀佢嘅蛋糕，破戒食甜食畀足面，除咗係好老闆之外，更加係識得顧人感受嘅好男人，網民都大讚黃曉明內外都咁完美！

無獨有偶，黃曉明老婆Angelababy（楊穎）都成為咗大家嘅討論對象，事關佢嘅身形瘦得太交關。Angelababy早前擔任浙江衛視跨年演唱會嘉賓，以一身露肩銀灰色禮服登場，大騷白滑玉背。當晚都被大讚好似喺童話故事走出嚟咁sharp，不過喺佢工作室發布當晚嘅幕後靚相中就「穿晒煲」！

相中嘅Baby瘦到連脊骨同肩胛骨都凸晒出嚟，皮包骨嘅情形似足受饑荒摧殘嘅災民，網民留言：「要怎樣才能讓Baby知道她現在太瘦了？」、「是有厭食症嗎？」、「對自己身形要求過度苛刻了！」、「要每天吃多少東西少能維持到這個程度的瘦。」網民都好擔心佢，留言叫佢要注意健康！

圖片來源：微博
撰文：黃蘊姿