愛上我的衰神｜吳珮如出大絕逼細佬胡鴻鈞賣樓 演貪錢自私衰家姐網民入晒戲

劇集《愛上我的衰神》開播以來，除了嫲嫲（羅蘭飾）與乖孫北河（胡鴻鈞飾）的感人親情令網民看得揪心外，北河家姐荔枝（吳珮如飾）的惡行，亦令網民甚為激心！事緣荔枝不但對北河態度和嘴臉極之差劣、又在嫲嫲面前扮孝順，當嫲嫲過身後即很快平復心情兼全副心思放在賣掉嫲嫲的物業上；在昨日一集家姐更出大絕，先是姐夫上門玩離婚，再來是家姐承認自私兼自爆懷孕，終令不捨嫲嫲的北河同意賣樓，北河最終無家可歸。

{{hket:inline-image name="7.JPG"}}{{/hket:inline-image}}

同場加映：【叱咤後台訪問】Anson Lo@MIRROR直言被林海峰嚇親 張敬軒票數輸姜濤心服口服

{{hket:ul-video id="5021"}}{{/hket:ul-video}}

不少網民大感氣結，紛紛留言鬧爆衰家姐，並指她戲內戲外均十分好戲：「衰家姐真係好衰」、「可以遲啲先賣囉，連頭7都未過」、「佢家姐兩公婆演場大龍鳳，咪又係想氹佢賣樓！」、「夾埋做戲，家姐正衰神」、「係咪扮大肚？家姐好戲王」、「家姐角色係邊個嚟，佢真係做得好好，覺得佢真人都係咁賤」等等。

{{hket:inline-image name="5.JPG"}}{{/hket:inline-image}}

呢個衰家姐係由吳珮如（June）飾演，曾擔任六合彩主持。她去年曾憑《陀槍師姐2021》中的恐怖情人Fanny一角惹起關注，無論是時喊時笑、或是愛恨交纏的情緒處理均拿捏得宜，因而贏得好評。

{{hket:inline-image name="WAN83.jpg"}}{{/hket:inline-image}}

陀槍師姐2021│吳珮如演絕症病人因愛成恨殺人 內心獨白戲一秒變臉勁心寒【下一頁】

對於「衰家姐」成功「衰」入網民心，June受訪時坦言初看劇本時亦覺得家姐好「衰」：「我當時都諗：『嘩，乜呢個女人咁衰，咁樣對自己屋企人？！』但一路睇落去就會發現佢都係無可奈何嘅。」

她又透露拍攝崩潰爆喊送別嫲嫲的場口後大感滿足：「我一直好想拍講述親人離世嘅戲，因為想睇吓演唔演繹到嗰種揪心嘅感覺。」並謂閒時有練習「喊功」：「我有練唔同場合唔同程度嘅喊戲，親人離世、戀人分手、事業失意嘅喊戲全部都唔一樣；我會睇好多好嘅劇同戲，想像自己係個角色，然後講對白。」

愛上我的衰神｜羅蘭與胡鴻鈞嫲孫情感動網民 「嫲嫲要喺第三維度看守住北河」【下一頁】

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】