萬千星輝頒獎典禮2021丨姚焯菲15歲着低胸晚裝初嘗性感 網民擔憂：請保護未成年Chantel

日前無綫《萬千星輝頒獎典禮2021》，一眾女星喺紅地氈上爭妍鬥麗，觀眾目不暇給。當中《聲夢傳奇》嘅15歲人氣王姚焯菲（Chantel）更初嘗性感，着上一襲白色low cut晚裝，比起同佢差唔多年紀嘅「聲夢幫」妹妹係着得最成熟嘅一個。

同場加映：【叱咤後台訪問】Anson Lo@MIRROR直言被林海峰嚇親 張敬軒票數輸姜濤心服口服

{{hket:ul-video id="5021"}}{{/hket:ul-video}}

{{hket:inline-image name="d0a4f2d6a5874f42bb62a4692036fc16.jpg"}}{{/hket:inline-image}}

「聲夢幫」妹妹接受《東張西望》主持訪問時，異口同聲表示好鍾意大會安排嘅服裝，鍾柔美（Yumi）着上白色背心jumpsuit，非常有型格，佢話︰「都係啱啱先知今日要着呢套衫，但自己都鍾意。」炎明熹 （Gigi）就係佢哋當中最多布嘅一個，着上長袖白色短裙配白色短boot，「我覺得呢個設計簡約得嚟又有高貴感覺。」

至於詹天文（Windy）就係上身背心下身短裙，搞到佢大叫凍凍，「十分好呀……我好凍，但係好美麗，多謝。真係多謝服裝間姐姐幫我哋揀啲衫，件件都好靚。」而最性感着low cut嘅Chantel反而話自己︰「我冇Windy凍得咁慘，雖然露膊，但就長裙，冇佢咁短。（好公主，似喺主題樂園走出嚟咁）係呀！所以我都好鍾意呢條裙。」

不過網民就唔多鍾意Chantel呢條裙喇！事關Chantel今年只有15歲，仲未成年，有人認為呢條裙對佢嚟講太過暴露，在網上留言：「青春無敵，唔係話佢着得唔好睇，但對小妹妹嚟講好似太性感」、「請保護未成年Chantel」、「呢個年齡好尷尬，又發咗育，又未識保護自己」、「知唔知呢個世界有好多戀童變態佬」，同時都有網民覺得Chantel呢條裙性感得嚟唔會有色情之感，尚可接受；又有人覺得外國唔少呢個年紀嘅小朋友都會着呢類服裝，所以問題不大。

撰文：黃蘊姿