今日（31日）是除夕，不少人都提早下班，準備狂歡迎接新一年的來臨，沒想到《東張西望》主持林希靈同樣「提早下班」，她在社交平台宣布正式離開無綫，結束7年的賓主關係。希靈特別在無綫電視城門外與「吉祥物」TVBuddy合照，她留言說：「Bye bye TVB！多謝一路以來嘅栽培同機會！加拿大返黎（嚟）之後，好幸運有機會加入呢個大家庭。多謝兒童組各位兄弟姊妹，係你地（哋）教識我點樣做主持，多謝你地（哋）好有耐性帶住我，指導同鼓勵我。多謝《東張》監製嘉玲姐、祥哥同立爺，多謝你地（哋）令我有機會加入《東張》呢個充滿愛嘅大家庭。 多謝《東張》各位兄弟姊妹，我地（哋）就好似家人一樣每日並肩作戰，一齊出盡全力去做訪問，衝擊嘅日子，我一定會好好記住係（喺）心入面，呢段日子一定會係我人生入面其中一段最深刻嘅回憶。最唔捨得就係你地（哋）啦！黎（嚟）緊我會努力做好自己嘅食品品牌『口張開』。我地（哋）已經開始賣年糕啦，全人手製造絕無添加，大家支持吓啦！最最最最最後， 我而家得閒啦，隨時ready開工，各位有幕前工作歡迎搵我呀！」
同場加映：G風暴丨鄭嘉穎遇上陳凱琳沒後悔遲婚 「做爸爸令我學習耐性同變通」
東張西望│聾啞女美華不敵惡霸保安娟姐 林希靈發惡維護：真係火都嚟【下一頁】
林希靈2012年9月因參加無綫網絡電視「不得了人才招募」活動而涉足娛樂圈，後來成為旗下基本藝人合約藝員，至今已有7年時間。林希靈先後在兒童節目《Think Big天地》和《東張西望》擔任主持而為人熟悉，最令人印象深刻是她在《東張》中擔任外景主持，不時會冒險訪問露體狂、曱甴屋等恐怖個案。早前她採訪「美華事件」期間，一度質問保安阿娟奪走美華財產的事，更令不少網友大讚她有勇有謀，一句問題已經成功K.O.阿娟，大快人心。網友封她為「正義女神」，令她知名度一夜間提升不少。
希靈離巢的消息一出，不少網友都紛紛留言，大家的反應兩極，不少網友讚她走得好，「辭咗職，恭喜晒」、「非常欣賞你在《東張》的拼搏，去到那裡，只要有這個心態，已經成功了大半，祝福你！」、「走得快好世界」等等，亦有網友大表不捨，認同她在《東張西望》做主持的表現，「你係我最欣賞嘅東張主持，我最鐘意睇你！唔怪之得最近『美華』個case唔係你跟進，原來你已離開了」、「希靈姐姐你係唔係玩緊我呀？身為一個東張忠粉已經對你哋充滿感情，完全接受唔到你走囉！」等等。
《東張西望》主持｜林希靈賣蘿蔔糕又賣月餅為自肥 同男友陳安立一杯雪糕泯「恩仇」【下一頁】
希靈接受《晴報》電話訪問，問到為何決定離巢，她表示：「離開TVB係因為已經喺度做咗七年，由入行開始已經喺度做，學咗七年師，好想出去行吓、闖吓、試吓拍其他節目。啱啱合約又差唔多完，所以就決定勇敢離開舒適圈。」對於不少《東張西望》的粉絲表示對「正義女神」的不捨，希靈說：「再次好多謝各位網友封我做『正義女神』，呢個稱號確實係我事業上面一個小小嘅里程碑。『美華』呢個case係我喺TVB同《東張》最後一個case，我覺得係一個好圓滿嘅結局。《東張》裡面每一位同事都好努力，我哋就好似家人一樣，大家好團結、好有愛，每日出盡全力做訪問，盡力去幫助社會上面有需要嘅人，去衝擊不公義的事，遇到佢哋，我覺得好幸福，最唔捨得就係佢哋。」
問到未來的工作計劃，會否跟男友陳安立「過檔」ViuTV發展呢？她笑言：「嚟緊我暫時會以自由身嘅身分接工作，因為之前唔同公司，從來都未試過同男友同場演出，我都好期待有機會一齊工作，歡迎ViuTV隨時搵我！另外，我都會主力做好自己嘅食品品牌『口張開』，希望可以做好呢個品牌，出更加多好的產品，令到更多人認識我哋！」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉