師夷長技以制夷︳黎瑞恩送囡囡澳洲讀書被鬧漢奸 修讀科目中國冇：學返嚟回饋祖國

48歲嘅「小恩子」黎瑞恩一對子女轉眼間已經18同16歲，噚日小恩子貼出母女頭貼頭嘅合照，為送長女曾凱栭（Sheree）返澳洲讀書前作最後留念。不過呢則帖文竟然引嚟網民極大迴響，黎瑞恩亦為此數次回應網民。

同場加映： 鄭嘉穎遇上陳凱琳沒後悔遲婚 「做爸爸令我學習耐性同變通」

{{hket:ul-video id="4960"}}{{/hket:ul-video}}

黎瑞恩到機場送阿女機並相擁合照，留言：「希望幾個月之後可以見啦 #畀心機加油」。唔少網民喺帖文下留言為Sheree送上祝福，黎瑞恩表示謝意再留言：「多謝各位哥哥姐姐嘅鼓勵同祝福。」不過就有網民質疑佢嘅愛國之心，問女兒點解唔喺中國讀書，小恩子回應：「首先佢讀嘅科目中國係冇嘅，最重要係佢已經大個喇，作為父母只可以引領佢走正確嘅方向，而佢亦都有權去選擇自己嘅路點行。」

{{hket:inline-image name="269982158_468519897968204_8235824290531580713_n.jpg"}}{{/hket:inline-image}}

唔少網民都留言追問到底係咩科目外國有但係中國就冇，更有人大鬧小恩子係漢奸，令佢再次回應：「嘩！咩事咁熱鬧呀！點解唔可以去外國讀書呢，唔使出動到漢奸咁緊要呀？真係畀你哋笑死我呀！正因為有啲科目冇所以咪要去學囉，學完返嚟咪回饋祖國囉，咩事咁大反應呢？各位充滿憤怒嘅施主你哋放下啦，唔好嘥咗寶貴嘅時間啦。苦海無邊，回頭是岸，施主請回，我唔會再答你哋㗎喇，多謝光臨。」

都有唔少粉絲撐小恩子送小朋友去外國讀書，唔代表唔愛國，可以「師夷長技以制夷」，留言:「民初知識份子個個去外國讀書啦，人人都識嘅孫中山、魯迅，唔通佢哋唔愛國？讀完返嚟貢獻國家，有乜問題？知己知彼，百戰百勝呀。」

{{hket:inline-image name="267738203_469019394584921_4323473517814081693_n.jpg"}}{{/hket:inline-image}}

小恩子離婚時一對仔女只有9歲和7歲，Sheree曾寫信給父母表達傷心之情；兩年後，Sheree提出想去澳洲升讀一間女子中學。小恩子曾表示，作為媽媽縱有不捨，亦尊重女兒嘅選擇。2014年小恩子都曾經講過打算畀兩個小朋友去英國讀書：「因為佢哋讀國際學校，升讀本地學校就奇怪啲，應該去外國好啲。」

圖片來源：Facebook

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】