愛上我的衰神︳陳嘉慧首擔正氣質清純觀眾大讚 胡鴻鈞爆監製偏心有「特別待遇」

曾監製《降魔的》、《跳躍生命線》等話題作的方駿釗（嘟嘟），其監製只有短短十集嘅新劇《愛上我的衰神》，劇情搞搞新意思︰女主角小渝（陳嘉慧Erica飾）小時候父母遇上交通意外身亡，二人死後不是「上天堂」或「落地獄」，而是根據生前功績前往不同維度。18年後，不知何故離世的小渝，在第二維度當上人生管理員，經常獲安排「派發」衰運給生活在第一維度的指定客戶──陳北河（胡鴻鈞Hubert飾）；眼見北河品性善良，卻衰運連連，小渝由憐生愛。

同場加映： 鄭嘉穎遇上陳凱琳沒後悔遲婚 「做爸爸令我學習耐性同變通」

{{hket:ul-video id="4960"}}{{/hket:ul-video}}

唔少人都話《愛上我的衰神》用上《降魔的》班底既有親切感，劇本idea亦創新，讚不絕口︰「Hubert有石敢當感覺」、「題材幾有創意」、「幾鍾意鬼嘅新概念」。而第一次擔正女主角嘅Erica暫時觀眾緣都幾好，觀眾在網上留下美言︰「後生、靚女、身材好」、「清純唔俗氣，好有新鮮感」。另外，劇集除咗有C君做「搞笑擔當」，麥美恩、馬貫東以及「音樂情人」鄭子誠都出盡十成功力搞笑，非常驚喜。

{{hket:inline-image name="11.JPG"}}{{/hket:inline-image}}

另一靈魂人物就係羅蘭姐飾演嘅嫲嫲，近年多數演慈祥老人家嘅佢今次人物性格上，既難相處又偏心，對孫仔Hubert非常苛刻；加上北河嘅家姐、爸爸對佢嘅態度非常差，有網民睇到Hubert嘅遭遇都話「慘到想熄電視」。

6位主要演員Hubert、Erica、謝雪心（心姐）、馬貫東、谷婭溦及許俊豪日前在網上直播同觀眾互動！出名貪玩的Hubert全程「針對」Erica，大爆監製嘟嘟偏心對方，佢話：「監製好唔公平！好似話佢淨係畀Erica去上堂，得Erica有呢個特別待遇（為拍劇而上堂），點解嘅監製？」未等女方回應，Hubert再向Erica逼供：「你同監製有啲乜嘢不可告人嘅秘密？」當現場一死寂時，Hubert就話自己只係跟稿讀，非常耐人尋味；最終心姐出來打圓場，幫監製主持公道，「監製好好嘅，佢知道每一個演員應該要演啲乜，再盡量畀佢哋發揮。」

圖片來源：大會提供

撰文：黃蘊姿

{{hket:inline-image name="What.jpeg"}}{{/hket:inline-image}}

{{hket:inline-image name="WhatsAp.jpeg"}}{{/hket:inline-image}}

{{hket:inline-image name="Wh.jpeg"}}{{/hket:inline-image}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】