無綫節目《東張西望》前晚報道陳彥行(行姐)控訴一名大銀行的前理財主管佘先生,在2018年游說行姐的75歲媽媽,為她整理理財計劃,但由於該計劃有年齡限制,故提議行媽與家人開聯名戶口投資,之後可以轉回行媽的名;其後行姐收到保險公司的文件,發現6份保單一共要供3,000萬,當中更有5份已失效。
同場加映:傳無綫 x 港台辦頒獎禮丨MIRROR笑言最恨見TVBuddy ERROR:如果冇獎唔使坐成晚
《東張》在昨晚播出事件的跟進情況,對於該6份保單,行姐透露佘先生著她代行媽買的6份保險,包括5份超大額的儲蓄保險計劃和1份危疾,當中第1份至第3份,分別在2018年7月20、23及24日簽訂了同一款儲蓄保險計劃,供款年期同為5年,每份保單每年要交110萬港元的保費。
至於第4份保單則在2018年12月簽下,以人民幣供款5年,每年保費是92萬人民幣;第5份就在2019年5月簽下,每年保費是12.6萬美元,供款5年。行姐說:「第6份係危疾保單,每年要交8萬2千美金,都要供足5年,即係我要交足的話,我總共要供3,000萬,一路以嚟,已經供咗1千300幾萬喺呢6份保單入面!」
東張西望︳陳彥行泣訴被騙簽3000萬保單 母親戶口幾乎歸零斷供渣都冇【下一頁】
對於能否代人買保險,《東張》邀請香港人壽保險從業員協會會長李冠群談及相關資訊,指不會有代人投保這回事,他說:「如果要轉換受保人,我相信保險公司有自己本身受保嘅規範,例如年紀。」根據保單內的條文,清楚列名轉換受保人,必須要65歲或以下,所以行姐指佘先生講明可以轉回行媽的名,是不可能的。
提到這幾份大額保單,行姐說:「喺財務分析表入面,佢(佘先生)一直報大我嘅收入,報大我嘅流動資金,報大我嘅財富,因為佢唔報大嘅話,佢冇可能賣到咁高額嘅保單。首先佢話我每個月嘅人工收入,係10至12萬,但當時我喺網台工作,上網都check到,我嘅人工只係每個月3萬幾蚊,另外其他收入就寫我有5萬,何來有其他收入係5萬呢?仲要將我媽媽喺北角嘅物業業權,歸納埋喺我度,話我有100%業權!其實由第1份保單到第6份保單,只係短短一年半時間,點解流動資金可以由3,000萬變到6,000萬呢?我都想問佢點變出嚟,佢唔係當咗我係國際影星呀嘛?」
《東張》主持人問行姐:「佢有冇畀你睇過或者解釋過?」行姐答道:「冇!我冇印象佢講過呢啲嘢,銀碼啲嘢全部都係佢自己打上去,我記得佢從來都冇問我攞糧單,我都覺得好奇怪,點解銀行、保險公司唔審查吓?」
陳彥行積極收身為復出鋪路 唔做阿四:同鄧兆尊撻唔著【下一頁】
《東張》找來陸偉雄大律師,他表示因有證據顯示,行姐每個月的收入是數萬元,但在文件上,佘先生報稱行姐的收入是10多萬,明顯有人在這方面誇大了數字,從而令保險公司接受。陸大律師又指在資產物業方面,因行姐不是物業擁有人,至於銀行存款數目,亦有人誇大數目,導致保險公司在考慮時,認為行姐的財政狀況是豐裕的。陸大律師表示這麼多表徵,絕對有理由相信案件干犯了欺詐罪,這嚴重罪行的最高刑罰是監禁14年。
至於行姐既已簽下文件,陸大律師說:「喺法律上,簽咗文件係有表面責任,呢個只係表面責任,要睇吓到底點解會導致你肯簽名?喺法律上,因為你唔知內道內容,所以你唔會受制於內容,但係呢方面你要提出證據,如果個個簽咗名之後都話唔知內容,我哋好難洗脫你嘅責任。」
【25年情誼】藝訓班舊友聚會鍾潔怡罕有露面 劉愷威懶理楊冪緋聞風騷聚會【下一頁】
對於行媽的積蓄全失,身為女兒的行姐忍不住哭成淚人,她說:「我媽媽今年75歲,呢啲錢係佢自己辛苦搵番嚟,點解佢明明可以用呢筆錢安享晚年,但呢個時候就認識佘生,同佢一鋪清袋?」其實就算保險公司將全部保單復效,都要再供1,600萬才能供完,最差情況是行媽要賣樓才能保住保單。
事件發展至今,行姐約在7月去信銀行投訴,10月得到銀行回覆投訴不成立,她亦有去信保監局求助,保監局將其個案轉到金管局,直至12月初仍未有結論。《東張》在12月10日就事件向銀行查詢,在一星期後,銀行、保險公司和行姐達成共識,由於簽了保密協議,所以未能透露賠償內容,據聞結果是令人滿意的。《晴報》今日聯絡行姐,她透過短訊回覆:「我好多謝《東張西望》幫我伸張正義!」
撰文:黃曉妍
U Lifestyle App自家節目登錄《U TV》專區!
↓↓試玩、試食、試用影片任您睇↓↓
【立即體驗】