細龜黃一山爆高雄正氣 群組開炮鬧演員 「有嗰句講嗰句唔怕得罪人」

黃一山（細龜）今年10月在內地同高雄、梁家仁及袁祥仁等前輩飯聚敘舊，現年74歲、一頭白髮的高雄甚為搶眼，身形更見好弗。細龜這日於微博分享高雄的處世之道，「佢早年拍戲都係做一啲反派，成名之後就有選擇，專係做啲好正能量嘅角色，最經典一部電視劇就係佢做霍元甲，甄子丹做陳真嘅《精武門》，曾經聽講霍家後人評價所有演過霍元甲嘅演員，都係認為高雄係演得最好嘅，因為覺得佢好有正能量、好正氣。」

{{hket:inline-image name="006Y4HfDgy1gvahlkl0zcj61r0340kjm02.jpg"}}{{/hket:inline-image}}

{{hket:inline-image name="12291004.jpg"}}{{/hket:inline-image}}

同場加映：傳無綫x港台辦頒獎禮丨MIRROR笑言最恨見TVBuddy ERROR：如果冇獎唔使坐成晚

{{hket:ul-video id="4987"}}{{/hket:ul-video}}

至於高雄為人有幾正氣？細龜爆料話：「話說佢如果唔鍾意嘅人，佢會直接喺演員群組入面開炮，話你做得唔啱，當住群組入面其他演員講，佢唔會畀面㗎！會話你呢樣做得唔啱、嗰樣做得唔啱，你唔夠道義、你做錯事……係有嗰句講嗰句，亦唔怕得罪人。呢方面我係好欣賞佢，我亦一路學梗呢方面嘅嘢。」

73歲高雄幫22歲內地小花擔遮？ 演過「宇宙最強」甄子丹師父【下一頁】

細龜指高雄另一樣值得他學習的地方就是「專一」，就是不會同時間接拍兩齣戲，就算中間有空檔也不會接演另一齣戲，「佢會先拍好原本那一部，然之後才接下一部戲，哪管下一部只是拍三兩日，佢可能覺得已經投入咗去角色身上、性格上，唔想到時搞到自己唔知拍梗邊一部戲。冇錯，錢真係賺唔晒，唔好畀人覺得你好似唯利是圖咁，而另一方面佢又好努力去睇劇本，可以睇到通宵達旦。佢又係一個好有禮貌演員，同導演傾偈係會企喺度，哪怕佢嘅輩份好高，如果導演未放食飯，就算冇佢嘅戲，佢都會等埋導演嗌食飯先去，更加唔會遲到早退，佢做每樣嘢都係娛樂圈嘅典範。」

（↓點擊放大睇圖片↓）

提到網劇《明月入卿懷》今年8月的開鏡禮上，傳高雄遭到不禮貌對待，要幫女主角、內地新晉小花周潔瓊撐傘一事，細龜話：「內容唔係咁，大家誤會咗，高雄覺得做男人要有紳士風度（為女士撐傘），先出咗咁嘅誤會，所以喺我心目中，高雄真係好似一代大俠，好有正義感。」根據當日網上流傳出來的片段，清楚見到周潔瓊一直拎住的雨傘，沒有要求前輩幫手撐傘擋太陽，而是後來高雄以長輩身分提出為對方撐傘。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}