東張西望︳陳彥行泣訴被騙簽3000萬保單 母親戶口幾乎歸零斷供渣都冇

無綫資訊節目《東張西望》不時報導社會事件，幫弱勢市民討公道，而昨晚訪問嘅「苦主」竟然係現年45歲嘅藝人陳彥行（行姐）。行姐哭訴有大銀行嘅前理財主管「扮好人」向佢同佢75歲嘅媽媽「埋手」，最終媽媽身家蒸發，令老人家夜夜難眠。

同場加映：鄭嘉穎遇上陳凱琳沒後悔遲婚 「做爸爸令我學習耐性同變通」

{{hket:ul-video id="4960"}}{{/hket:ul-video}}

行姐透露事源2018年媽媽認識到理財主管佘先生，行姐透露：「初時我聽媽媽講已經係百分之二百信任，佘先生一個星期有三、四日會上我媽媽屋企食飯，有時仲會帶埋太太。」同年7月佘先生主動提議為行姐媽媽整理理財「計劃」，但「計劃」有年齡限制，媽媽要與家人開聯名戶口投資。行姐表示，「計劃」具體係點佢並唔知道，只係有印象佘先生話之後可以轉番媽媽嘅名。

行姐提起時非常激動：「我記得當日搞好耐，簽好多份文件，我初時不以為意，嗰陣時認為所有細節、內容，佢（佘先生）同我媽媽已經deal好晒，我嘅角色係負責落銀行去簽個名咁啫！」行姐表示，她與媽媽財政獨立，佢認為自己只係「掛名」，從未過問媽媽戶口嘅財政狀況。

{{hket:inline-image name="iOawAdtcobRfO4L3JNqzTK5LwIR3mW5WpImr-aSJq_k.jpg"}}{{/hket:inline-image}}

之後行姐收到保險公司寄嚟嘅文件，當時佢詢問佘先生，男方亦表示唔使理會，只係一啲循例文件，更「拍心口」表示會幫行姐母女處理好所有戶口事宜。之後對方多次叫行姐去到分行簽文件，行姐形容佘先生每次都冇同佢講係簽啲乜嘢文件，同時非常有「效率」，「落到去簽文件，好簡單，佢係咁話『呢度呢度』，又會飛走晒啲頁數，然後就叫我簽名。」

直至今年5月27日，行姐收到佘先生離職通知，行姐媽媽先去check戶口，行姐說：「我媽媽差啲暈低！個戶口啲資金差唔多蒸發晒！」佘先生曾到行姐媽媽屋企道歉，行姐亦展示佘先生道歉錄音，表示︰「可能我做得唔好，冇每月計正負數，約得幾位傾都係想表達番我唔係就咁走咗去。」佘先生確認行姐媽媽戶口中千幾萬現金所剩無幾，大部分得番保險，錄音中行姐親友反問佘先生：「每張100萬，有5張（保單），仲要供3年，咁係咪仲要1,500萬？」佘先生道歉後稱：「我知道陳太其實對我好好，我都想幫你哋完成申索……但都係同大家講多次對唔住，我都知呢樣嘢好煩，真係對唔住。」

行姐最終要自己向保險公司查詢，先得知六份保單一共要供3,000萬，而當中更有5份已失效，行姐憤怒說：「佢製造假像，以為我係千萬富翁。」受訪的行姐數次激動得流下眼淚控訴：「喺我有生之年，都會討番呢個公道。」

事件報道一出，有唔少網民對行姐嘅情況深表同情，但亦有人唔撐，話佢十分疏忽，認為︰「明知自己阿媽成70幾歲人，竟然唔幫佢睇文件？連投資咗乜嘢都唔知，簽文件又唔睇清楚條款，所以都好難可以追討」、「簽名個意義就係要上身，如果唔係搵人簽名做咩」；而行姐處理事件都似乎身心俱疲，佢喺自己社交平台留言：「要繼續幸災樂禍，落井下石嘅隨便！衷心感謝真關心我嘅人。」

{{hket:inline-image name="WhatsAp.jpeg"}}{{/hket:inline-image}}

{{hket:inline-image name="Whata.jpeg"}}{{/hket:inline-image}}

{{hket:inline-image name="Wha.jpeg"}}{{/hket:inline-image}}

撰文：黃蘊姿

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】