新城勁爆頒獎禮2021︳炎明熹拎新人獎Edan爆冷冇份？ 隊長Lokman唔記得多謝MIRROR

《2021年度新城勁爆頒獎禮》頒發第一個獎係「勁爆新人獎」，6位得獎者包括炎明熹、姚焯菲（Chantel）、力臻、ANSONBEAN、鄧麗英同Lokman@MIRROR，比較出人意表嘅係大熱嘅Edan呂爵安未有得獎。

同場加映：  鄭嘉穎遇上陳凱琳沒後悔遲婚 「做爸爸令我學習耐性同變通」

{{hket:ul-video id="4960"}}{{/hket:ul-video}}

新城勁爆頒獎典禮丨陳展鵬Man爆公主抱暈低女歌手 外套太厚出事焗親全場嚇窒【下一頁】

{{hket:inline-image name="16.PNG"}}{{/hket:inline-image}}

炎明熹講得獎感言時一如以往有少少天然呆，表示：「多謝屋企人、粉絲、老師、朋友，如果我（唔）記得多謝邊個，唔好介意，我真係唔記得咗。」姚焯菲反而比較淡定：「多謝新城、多謝公司、多謝星夢、多謝DJ，多謝呢首歌嘅編曲監製填詞，多謝小菲象同屋企人朋友。」而麗英則非常興奮說：「多謝小薯茄，多謝屋企人朋友，聽我歌嘅人，多謝你地陪我地成長，下年繼續努力。」

至於力臻就表示要多謝天上嘅媽媽，ANSONBEAN則多謝佢嘅「豆粉」，Lokman@MIRROR自然要多謝公司ViuTV，但就唔記得多謝一眾MIRROR隊友，台下的隊友立即起哄。之後就由Chantel打頭陣唱出第一支個人單曲《原來談戀愛是這麼一回事》。

之後Edan獲頒只有一個名額嘅「勁爆我撐新人獎」，雖然佢上台領獎時台下得番姜濤一位隊員，但佢都不忘多謝MIRROR一班兄弟。Edan獻唱《E先生連環不幸事件》，現場反應熱烈。

圖片來源：節目截圖

撰文：黃蘊姿