新歌《女同學》︳雷有輝「出賣」囝囝做免費勞工 老竇好帶挈 拍MV慘被女生掌摑

太極成員雷有輝（Patrick）今年聖誕節推出新歌《女同學》，並找來20歲兒子雷瑋陶（Matt）擔任MV男主角，兩父子在現場甚有默契，互相稱呼對方做「Pat哥」、「師兄」。身為老竇的Patrick今次可謂「好帶挈」，不單止要Matt做義工，冇收分毫酬勞外，竟然安排女拍檔掌摑兒子，他仲要話：「我叫佢哋大力啲打落去，咁先拍得真實㗎嘛！」

{{hket:inline-image name="KDSC06495.JPG"}}{{/hket:inline-image}}

{{hket:inline-image name="KDSC06144.JPG"}}{{/hket:inline-image}}

同場加映：《臨時械劫》｜郭富城戴假耳仔哨牙look演賊王 爆同小齊林家棟有「男人的浪漫」

{{hket:ul-video id="4937"}}{{/hket:ul-video}}

Matt在MV內飾演爸爸Patrick的年輕版，周旋於幾位「女同學」之間，看似艷福不淺。Patrick笑說：「故事係純綷虛構，我讀書時期並不風流。今次係導演諗出嚟，同我真實生活有好大出入，當年我係出名專一，只不過阿仔比我有型，值得畀十個女仔圍住，所以呢日MV佢先係主角。而呢次順便將個『衣鉢』傳畀佢，咁我就提早退休，屋企所有開支都交晒畀佢負責。」

太極開騷邀群星憶唐奕聰 雷有輝聞故友聲綫感觸爆喊【下一頁】

Patrick又爆料話老婆有到現場打氣，看似是支持Matt演出，實情卻是「揀新抱」為實，搞到兒子有點不知所措，「其實阿仔都係20歲，唔使咁心急嘅，以我所知佢有試過拍拖，但佢呢一刻係單身。我梗係想佢感情世界豐富啲啦，今次MV有十個女仔同佢『煙韌』，睇落好似好爽，但係每一場戲最後都要畀對方打一巴掌，你以為我企側邊係監場？我叫佢哋大力啲打落去，咁先拍得真實㗎嘛！」Matt亦有趁機會反擊，笑言不似爸爸花心，會很專一對待女友，「其實佢以前啲新聞我都有睇過，大概知佢嘅情史。今日我純粹係做戲，現實中係一個乖乖仔。呢次Pat哥話我冇酬勞，最多係請我食餐飯，咁佢養咗我廿年，都係時候要回報番畀佢。」

（↓點擊放大睇圖片↓）

Patrick在圈中多年，最令人津津樂道是跟女神李麗珍拍過拖，可惜二人沒有開花結果，而Patrick最後情歸初戀女友，並於2000年拉埋天窗，他曾表示：「初戀係喺中五嗰年，中間我們分開咗4次，大家最終再走番埋一齊。樂手係比較多情，係自己不好，容易識到其他人；我細個唔識談戀愛，其實談戀愛也是一門學問，我係家中被寵壞嘅細仔，往往唔懂得點處理一段關係，會自我中心，唔會為他人著想，我諗我以前啲女朋友對我印象好差。」

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}