尹光年輕時曾沉迷賭錢輸廿幾萬 慨嘆：輸錢皆因贏錢起

有「廟街歌王」之稱的尹光，是越南華僑，7歲開始學唱粵曲，11歲就登台，當時是為了興趣才去做；獲得台下的掌聲，尹光當然感到很開心，及後因為越戰爆發，尹光與家人來港定居生活。

同場加映：《臨時械劫》｜郭富城戴假耳仔哨牙look演賊王 爆同小齊林家棟有「男人的浪漫」

{{hket:ul-video id="4937"}}{{/hket:ul-video}}

{{hket:inline-image name="10.jpg"}}{{/hket:inline-image}}

在香港做歌手，尹光的代表作多不勝數，包括《荷里活大酒店》、《數波波》、《雪姑七友》、《十四座》、《少理阿爸》、《你阿媽大減價》、《老豆最強》等等，他指自己敬業樂業，是為了讓觀眾、樂迷聽得快樂。早前，他接受陳圖安主持的港台節目《安哥同學會》訪問，提到最初入行時，都睇過人面色，尹光說：「70年代唱國語歌，我喺越南講廣東話，雖然我啲國語都OK，但係發音唔準，始終廣東人唱國語歌係唔準，當時我喺一間舞廳，揀咗一首慢歌《藍色的憂鬱》去試音，啲人話我『國語唔得，唱歌唱到好似唱粵曲咁樣，細路，走啦』！叫我做細路喎，當時我都廿幾歲……睇人面口，梗有嘅！」

【廟街王子】尹光否認是富二代靠唱歌捱出頭 「唔想寄人籬下被人斤斤計較」【下一頁】

尹光未有放棄，買了青山的唱片，繼續練歌，然後再去該間舞廳試音，最後成功過關，於是開始歌手生涯，他說：「人工係一個月200蚊，好多㗎喇，當時有斗零使㗎，斗零買個蛋撻，又可以過海，夠用喇！我仲可以走場，每晚去啟德唱兩隻粵曲，7蚊一晚。」每晚在舞廳返工，尹光從未有學壞過，他表示由細到大「冇煙冇酒冇咖啡冇奶茶」。

不過，尹光曾經愛上賭錢而受過慘痛經歷，試過在澳洲登台時，一晚輸掉廿幾萬，那個時候，一層樓的售價只是十多萬，回港後要分期還債，當時要一晚唱9場，不過他仍未想過戒賭，之後因為有了家庭，有了太太和兒子，尹光才醒覺，他說：「我喺越南嚟到香港，有個朋友教我賭牌九……輸錢皆因贏錢起，閒閒哋一晚贏幾百蚊，我唱1個月先搵得幾百蚊咋嘛，1千蚊都冇，我咪（沉）迷咗落去囉！直至1984年個仔出生，我就戒賭喇。」這段經歷，尹光坦言沒有後悔，他認為人是隨遇而安，上天早已注定了人們的一生，他覺得最重要是平安和健康，「我差不多78歲，仲有人請我唱歌……錢財身外物。」

今晚有牌打│鄧兆尊頂替林文龍做主持打牌 爆被迫入行全因祥嫂恨做星媽【下一頁】

{{hket:inline-image name="13.JPG"}}{{/hket:inline-image}}

{{hket:inline-image name="11.JPG"}}{{/hket:inline-image}}

太太李麗儀是尹光的歌唱拍檔，兩人由1982年結婚至今，依然十分恩愛，尹光不怕肉麻說：「梗係愛佢啦！佢係我嘅另一半嚟㗎嘛！」他表示每次開演唱會，太太都會跟他唱一首輕鬆、諧趣的歌，好讓觀眾開心，笑說：「有時老闆叫佢自己單唱一、兩首，佢唔唱，因為我每次入去換衫，都係佢照顧我。因為要佢唱嘅話，佢又要練歌，顧呢樣顧嗰樣，會好多嘢做。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}